გიშაგორილი მასალაშა გინულა

დამატებითი მენიუშა გინულა

სარჩევშა გინულა

იეჰოვაშ მოწმეეფი

მარგალური

თქვან ოჯახიშ ბედნერობა თქვან ხეს რე!

 ნაწილი 2

რდათ ართიანიშ ართგური

რდათ ართიანიშ ართგური

„მით ღორონთიქ შეაუღლუნ, კოჩიქ ვა დუთხინუას თინეფ ართიანს“ (მარკოზი 10:9).

იეჰოვა ჩქინდე განსაკუთრებულ ართგურობას ითხინს (მიქა 6:8). ჩილ დო ქომონჯ შქას ართგურობა აუცილებერ რე, ართიანს ქენდანინ თიშენ. ჸოროფაქ უმოსო ქიმიძინასინ, მანგარ მნიშვნელოვან რე თინეფქ ართიანს ქენდან.

ამდღა ჩილ დო ქომონჯის უჭირს ართიანიშ ართგურობა. თქვან ქორწინება დოთხილუათინ თიშენ, ჟირ მუდგარენ ოკო ვეგიჭყოლიდუათ:

 1 ქორწინებას ღირსუან ადგილ ოკო უკინებუდას

მუს იჩიებ ბიბლია: „დერწმუნით, მუ რე უმოს მნიშვნელოვან“ (ფილიპელები 1:10). ქრისტიანიშ ცხოვრებას ქორწინება ართ-ართ მნიშვნელოვან რე. ათეშგურშენ ქორწინებას ჩქინ ცხოვრებას ღირსუან ადგილ ოკო უკინებუდას.

იეჰოვას ოკო, ნამდა თქვა თქვან მეუღლეშო ირიათო ფიქრენდათ დო ბედნერ რდათ (ეკლესიასტე 9:9). ღორონთი გასაგებო მირაგადნა, ნამდა დღას ვა ვურთინუათ ოჭიში ჩქინ მეუღლეს. იეჰოვას ოკო, ნამდა ირფელ ქოფქიმინათ თიშ ბედნერობაშო (1 კორინთელები 10:24). ქაგინებაფეთ თქვან მეუღლეს, ნამდა თინა თქვანო ძვირფას დო საჭირო რე.

მუ ოკო ქიმინათ:

  • ხშირას რდათ თქვან მეუღლეწკუმა ართო დო ქეცადით, თე დრო ხვალე თის დაუთმათ.

  • სიტყვა „მა“ დოთირეთ სიტყვათ „ჩქი“.

 2 გურს ქუმუთხილეთ

მუს იჩიებ ბიბლია: „არძა, მით ოსურკოჩის უჯინე დო თიშა გურ ქაჸინ, უკვე ქიმრუშ თიწკუმა მუშ გურს“ (მათე 5:28). მუჟამსით ქომონჯი ვარდა ოსურ უზნეობაშე ფიქრენსინ, შილებე ითქუას, ნამდა თინა შხვაშა თირანს მუშ მეუღლეს.

იეჰოვა მირაგადნა: „გურს ქუმუთხილეთ“ (იგავები 4:23; იერემია 17:9). თე ზუკოლი გეგმიბრინუათინ თიშენ, თოლი სუფთა ოკო მიღუდან (მათე 5:29, 30). ჩქი პატრიარქ იობიშ მაგალითის ოკო მივაჸუნათ, ნამუქით მუშ დუდის პირობა მეჩუ, ნამდა შხვაშ ოსურს გლახა თოლით ვემკაჯინედ (იობი 31:1). დღას ვა უჯინათ პორნოგრაფიას. შხვაშ მეუღლეს დღას ვა უჯინათ შხვა თოლით.

მუ ოკო ქიმინათ:

  • არძას ქაძირეთ, ნამდა გოკონა ბოლოშა ართგურ რდათ თქვან მეუღლეშ.

  • ქუგუგით თქვან მეუღლეს დო მიოტეთ ირნერ ურთიერთობა, ნამუთ უხერხულს ქინაჸათანდ თის დო გლახათ ოგინებაფუანდ დუდის.