გიშაგორილი მასალაშა გინულა

დამატებითი მენიუშა გინულა

იეჰოვაშ მოწმეეფი

მარგალური

მუ რე თქვანო ბიბლია?

მუ რე თქვანო ბიბლია?

რენო თინა . . .

  • ბრძენ ადამიანეფიშ ნაჭარა წიგნი?

  • მითეფიშ დო ლეგენდეფიშ კრებული?

  • ღორონთიშ სიტყვა?

 ბიბლიას ჭარუ:

„მთლიან წმინდა წერილი ღორონთშე რე შთაგონებულ“ (2 ტიმოთე 3:16).

მუ რე თქვანო ბიბლია? . . .

სრულას პასუხენს ცხოვრებისეულ კითხვეფს (იგავები 2:1—5).

ცხოვრებაშ ირ ნაბიჯის გიმოწურუანა (ფსალმუნი 119:105).

მომავალიშ დიდ იმენდის მარზენა (რომაელები 15:4).

 ბჯერდანიო ბიბლიაშ?

ნამდვილო ქო. თეშ არძაშ უნაკლებაშ სუმ მიზეზი არსებენს:

  • გასაკვირო ურთიერთშეთანხმებული. ბიბლიას დაახლოებით 40 კოჩ 1600 წანაშე მეტ ხანს ჭარუნდუ. თე ადამიანეფშე ბრელ ვეჩინენდუ ართიანს, მარა მთლიან ბიბლია ურთიერთ შეთანხმებულ რე დო თის ართ მთავარი თემა გოჸუნს.

  • მაჭარალეფიშ სიპატიოსნე. ნამთინე ისტორიკოსი დუდს არიდანს მუშ ქიანაშ მუთუნნერ დამარცხებაშენ რაგადის. მარა ბიბლიაშ მაჭარალეფს ვაუფულნა ვართ მუნეფიშ საკუთარ შეცდომეფი დო ვართ მუნეფიშ ქიანაშ შეცდომეფი (2 მატიანე 36:15, 16; ფსალმუნი 51:1—4).

  • სანდო წინასწარმეტყველებეფი. ბიბლიაქ დაახლოებით 200 წანათ ადრე იწინასწარმეტყველუ ჯვეშ ქალაქი ბაბილონიშ განადგურება (ესაია 13:17—22). ნაწინასწარმეტყველებ რდუ, მუჭო გენადგურებუდ ბაბილონი დო მი დეპყრენდუ თის (ესაია 45:1—3).

    თეშ გარდა ბრელ შხვა წინასწარმეტყველებეფქ ხოლო დიდ სიზუსტეთ შისრულუ. წერმიდგინით, ზუსტას თეს ოკო ვეველდათო ღორონთიშ სიტყვაშე? (2 პეტრე 1:21).

 დეფიქრით:

მუჭო შეულებუ ბიბლიას თქვან ცხოვრებაშ გაუჯგუშება?

თე კითხვას ათე ბიბლიურ მუხლეფი პასუხენს: ესაია 48:17, 18; დო 2 ტიმოთე 3:16, 17.