გიშაგორილი მასალაშა გინულა

მუჭო იფინანსებ იეჰოვაშ მოწმეეფიშ საქმიანობა?

მუჭო იფინანსებ იეჰოვაშ მოწმეეფიშ საქმიანობა?

ჩქინ ქადაგებაშ საქმე ძირითადო იეჰოვაშ მოწმეეფიშ ნებაყოფლობით კეთებულ შესაწირავეფშე იფინანსებ. ჩქინ შეხვალამეფიშ დროს ვა ხვადუ ფარაშ დო საწევო ნავითარიშ ეშაყარუა (მათე 10:7, 8). შეხვალამეფიშ ადგილს რე შესაწირავეფიშ ყუთეფ დო მითინს ქაკონ-და, შეულებ მუშ სურვილით გაკეთას შესაწირი. შესაწირიშ კეთება ანონიმურ რე.

ართ მიზეზ, მუთ აადვილენს ფინანსეფიშ განაწილებას, თინა რე, ნამდა ჩქი ვა პჸუნა სამღვდელოება, ნამუთ ხელფასის ღებულენს. თეს გეძინელ, იეჰოვაშ მოწმეეფ კარდოკარ ქადაგებაშ გურშენ ფარას ვეჭოფნა. ჩქინ თაყვანიშცემაშ ადგილეფ მოკრძალებურო რე მონწყილ.

შესაწირავეფ, ნამუთ იეჰოვაშ მოწმეეფიშ ფილიალშა იჯღონუ, ხუც უკინენს სტიქიურ უბედრობეფიშ დროს დაზარალებურეფს დო მისიონერეფიშ დო გილმალ ზედამხედველეფიშ საქმიანობას; თეს გეძინელ, გიმირინუაფ განვითარებად ქიანეფს თაყვანიშცემაშ ადგილეფიშ ოშენებელო დო ბიბლიაშ დო შხვა პუბლიკაციეფიშ ობეშატლო დო ტრანსპორტირებაშო.

თითოულ მუშით გინოჭყვიდუნს, კონკრეტულო მუშ გურშენ შეწირენს ფარას — ადგილობრივ საჭიროებეფშო, ჩქინ მსოფლიო საქმიანობაშო დო ვარ ჟირხოლოშო ართო. თითოულ კრება რეგულარულო ურაგად ინფორმაციას საფინანსო ანგარიშეფიშ გურშენ კრებაშ წევრეფს.