გიშაგორილი მასალაშა გინულა

მიქ დაარსჷ თქვან რელიგია?

მიქ დაარსჷ თქვან რელიგია?

იეჰოვაშ მოწმეეფიშ ორგანიზაციაშ თანამედროვე ისტორია 19-ა საუკუნეშ ბოლოშე იჭყაფუ. თი დროს ბიბლიაშ მარკვიებელეფიშ ჭიჭე ჯგუფიშ წევრეფ, ნამუთ ამერიკაშ შეერთებულ შტატეფს, პენსილვანიას, პიტსბურგიშ ხოლოს ცხოვრენდეს, ქეშუდირთეს ბიბლიაშ რეგულარულო გიმორკვიებას. თინეფქ ქიდიჭყეს ეკლესიაშ დოდგინელ დოგმეფიშ ბიბლიაწკუმა შედარება დო ბიბლიაშე ნაგურეფუს წიგნეფიშ, გაზეთეფიშ დო თი ჟურნალეფიშ საშვალებათ გიშაშკვანდეს, ნამდგას ასე ჯოხო „გინაჯინალ კოშკი აცხადენს ღორონთ იეჰოვაშ სამეფოშენ“.

ბიბლიაშ გურგედვალირ მარკვიებელეფიშ ჯგუფის რდუ ახალგაზრდა კოჩ ჩარლზ ტეიზ რასელი. თიშ უმკუჯინუო, ნამდა რასელ თიმ დროს ბიბლიურ საგანმანათლებლო საქმეს ხემძღვანელენდჷ დო „გინაჯინალ კოშკიშ“ პირველ რედაქტორ ხოლო რდუ, თის ვა დუარსებ ახალ რელიგია. რასელიშ დო შხვა ბიბლიაშ მარკვიებელეფიშ, მუჭოთ ჯგუფიშ მიზან ქრისტეშ გურაფეფიშ გავრცელება დო პირველ ქრისტიანულ კრებაშ მაგალითიშ მეჸუნა რდუ. ქრისტიანობას იესოქ მეჩჷ დაჭყაფ, ათეშენ შილებე ირაგადუას, ნამდა იესო რე ჩქინ ორგანიზაციაშ დუმაარსებელ (კოლოსელები 1:18—20).