გიშაგორილი მასალაშა გინულა

დამატებითი მენიუშა გინულა

იეჰოვაშ მოწმეეფი

მარგალური

იეჰოვაშ მოწმეეფს ოცქვეს უნგრეთის

იეჰოვაშ მოწმეეფს ოცქვეს უნგრეთის

2013 წანაშ ივანობას ცენტრალურ ევროპას მანგარ ჭვემეფს მალწყარეფიშ ადიდორებაქ მაჸუან. უნგრეთის მალწყარ დუნაიშ წყარიშ დონექ რეკორდულო ეიკინუ.

კრიტიკულ სიტუაციაშ გურშენ უნგრეთიშ მთავრობაშ ადამიანურ რესურსეფიშ სამინისტროქ იეჰოვაშ მოწმეეფიშ ფილიალს თხუ, ქუმუხვარებდესკო ზარალიშ ეჩილითაფას, ნამუქით შილებედ დიდწყარალას მაჸუნკონ. ფილიალქ მალწყარ დუნაიშ გოხოლუას რენ თი კრებეფს უწუ, ნამდა ქიმუხვარებდესკო მთავრობაშა, ნამუთ ადიდორებულ წყარიშ გინაკილარო ირფელს ორთუდ.

კრებეფიშ ელარინა ირ კოჩშო გასაკვირ რდუ. მუსხირენ დღას 72 კრებაშე 900-შე უმოს მოწმე ამანგარენდუ მალწყარ დუნაიშ ძგალეფს. თინეფს თხუეს კიდირშა ქიმკიბინესკო ნიშანი, ნამუსით გეჭარუდ, მუნეფიშ სახელი, ქალაქი დო იეჰოვაშ მოწმეეფ რდესინ თინა.

ართ ქალაქის ჭითა ჯვარიშ წარმომადგენელქ იეჰოვაშ მოწმეეფიშ კრებას ათეცალ წერილ მეჭარუ: „ნანდულო მადლობაშ დო პატიცემაშ ღირს რეთ! ამდღა თეცალ ხუჯიშ ელმარინალ კათაშ ძირაფა მანგარო ჭირს! თქვა ვედიზარეთ შორ შარაშე მოულა! ჩქიმ ქალაქის დუდეკინელო იფჩიებუდენ იჸი თქვანიშ გურშენ“.

დაზარალებულეფიშ მოხვარებაშ ორგანიზაციაშ ხემანჯღვერექ, ნამუთ უნგრეთიშ პარლამენტიშ წევრი ხოლო რე, იეჰოვაშ მოწმეეფიშ ფილიალს სიმარდულის წერილ უჯღონუ თეცალ ელარინაშ გურშენ.