გიშაგორილი მასალაშა გინულა

დამატებითი მენიუშა გინულა

იეჰოვაშ მოწმეეფი

მარგალური

შხვადოშხვა ქიანას იეჰოვაშ მოწმეეფიშ რიცხვის რეკორდულო ქუმაძინ

შხვადოშხვა ქიანას იეჰოვაშ მოწმეეფიშ რიცხვის რეკორდულო ქუმაძინ

1987 წანას ვალენსიას (ვენესუელა) იეჰოვაშ მოწმეეფიშ თიმწკუმაიან ხემანჯღვერე საბჭოშ წევრიქ, ლაიმან სვინგლიქ „პლაზა მონუმენტალიშ“ სახელით იჩინენან ფერ კორიდაშ მოედანს შაყარელ 63 580 კოჩიშ წოხოლე გიშართუ. ჯიმა ლაიმანშა ქუმურჩქილუაფუდესკონ თიშენ, ბრელს მთელ სერს ავტობუსით აჸუ ოულარქ. თიქ შაყარელ ხალხის უწუ: „ართ დროს თე ქიანას მაუწყებელეფი ბრელ ვა რდით, მარა ასე თაშ ვერაგადე. საქმე თეშ მეურს, ნამდა მალას 100 000-ის ქიმიოჭირინუანთ!“.

1987 წანას ვენესუელას 38 000-შე უმოს იეჰოვაშ მოწმე დუდგინოდვალირო ქადაგენდუ სახიოლო ამბეს სამეფოშ გურშენ. თიმ დროს 100 000-შე უმოს მაუწყებელი ხვალე ბრუო ქიანას რდუ.

მთელ მსოფლიოს იეჰოვაშ მოწმეეფიშ რიცხვიშ მოძინა მართალო დიდებულ რე. პირველ მსოფლიო ჩხუპიშ უკულ ხვალე მუსხირენ ანთას იეჰოვაშ მოწმე ქადაქენდუ ღორონთიშ სამეფოშ გურშენ, მარა 1943 წანას „იეჰოვაშ მოწმეეფიშ ირ წანაშ წიგნის“ ათეცალ მუდგარენ ჭარუ: „1942 წანაშ ანგარიში გასაკვირ რე. მონაცემეფი ბოლოშა ვამღუნა არძას ვა ვონჭუთინ თიშენ ... თე ანგარიშშე იძირე, ნამდა ამდღა მთელ მსოფლიოს 106 000-შე უმოს კოჩი ქადაქენს [სახიოლო ამბეს]“. მართალ რე თიმ დროს მაჟია მსოფლიო ჩხუპი რდუ, მარა ბრელქ ჯგირო მირჩქილუ ბიბლიურ ჭეშმარიტება. 1950 წანას შეერთებულ შტატეფი პირველ ქიანა რდუ, სოდეთ მაუწყებელეფიშ რიცხვიქ 100 000-ის მიკულუ.

შეერთებულ შტატეფიშ უკულ 1974 წანას ნიგერია პირველ ქიანა რდუ, სოდეთ 100 000 მაუწყებელი რდუ.

უკულიან წანას ბრაზილიას დო გერმანიას მაუწყებელეფიშ რიცხვიქ 100 000-ის მიკულუ. ოთხ კონტინენტის თეცალ შედეგეფი თის ოძირანს, ნამდა ბიბლიურ ჭეშმარიტება მთელ მსოფლიოშ არძა კუნთხუს ოინტერესნა.

მთელ მსოფლიოს ირიათო იძინანდუ თი კათაშ რიცხვი, მისით გურშა ენახუნტუდ სახიოლო ამბე. თე ირფელი მეურედ ბიბლიურ წინასწარნარაგადას: „აკაბურცხა ანთასო გინირთუ, ჭიჭე — მანგარ კათათ. მა, იეჰოვა, მუშ დროს ქუნჭუანქ თეს“ (ესაია 60:22).

2014 წანაშ სამსახურებრივ წანაშ ანგარიშშე იძინე, ნამდა ეჩდოოთხი ქიანას 100 000-შე უმოს მაუწყებელი რდუ. თინეფიშ რიცხვიშა ვენესუელა ხოლო მიშეშუ, მუშენდა 2007 წანას მაუწყებელეფიშ რიცხვიქ რეკორდულო მიძინუ. ამდღა მთელ მსოფლიოს 8 201 545 იეჰოვაშ მოწმე 115 416 კრებას მსახურენს.

ქიანეფი, სოდეთ 100 000-შე უმოს მაუწყებელ რე

კონტინენტი

ქიანა

მაუწყებელეფი

აზია

იაპონია

215 703

სამხრეთი კორეა

100 641

ფილიპინეფი

196 249

აფრიკა

ანგოლა

108 607

განა

125 443

ზამბია

178 481

კონგოშ დემოკრატიულ რესპუბლიკა

216 024

ნიგერია

362 462

ევროპა

ბრიტანეთი

138 515

გერმანია

166 262

ესპანეთი

112 493

იტალია

251 650

პოლონეთი

123 177

რუსეთი

171 268

საფრანგეთი

127 961

უკრაინა

150 906

სამხრეთი ამერიკა

არგენტინა

150 171

ბრაზილია

794 766

ვენესუელა

140 226

კოლუმბია

166 049

პერუ

123 251

ჩრდილოეთი ამერიკა

კანადა

116 312

მექსიკა

829 523

შეერთებულ შტატეფი

1 243 387