გიშაგორილი მასალაშა გინულა

„პორტატიურ ბიბლიოთეკა“

„პორტატიურ ბიბლიოთეკა“

2013 წანაშ 7 გიმათუთას იეჰოვაშ მოწმეეფიშ ახალ კომპიუტერულ პროგრამაშ, JW ბიბლიოთეკაშ, გიმორინაფაქ იჸუ შეიოლებერქ. თე პროგრამას მობილურ მონწყილობეფ კითხულენს დო თით ბიბლიაშ კითხირ დო გურაფა შილებე. თე პროგრამაშე ფარა ვა რე ოგაფალ დო თიშ ჭყოლოფუათ შეილებნა ინგლისურ ნინაშა წეკითხათ 2013 წანას გიშაშკუმალირ ბიბლიაშ გინომუშებულ „ახალ ქიანაშ თარგმანი“ დო ბიბლიაშ შხვა ხუთ თარგმანი ხოლო (მაგალთო „მეფე ჯეიმზიშ თარგმანი“). *

მუშენ გიშაშკვეს თე პროგრამა

ამდღა მილონობით კოჩი გიმირინუანს სმარტფონეფს, პლანშეტეფს დო თეგვარ მობილურ მონწყილობეფს. მუშენ იჸუ საჭიროქ JW ბიბლიოთეკაშ გიშაშკუმალაქ, მუჟამსით ბიბლიაშ კითხირ დო გურაფა ჩქინ ვებ-გვერდშე jw.org. ხოლო შილებედ?

პირველ მიზეზ თინა რე, ნამდა თე პროგრამა გინოჭარუაშ უკულ ინტერნეტიშ უმშო მუშენს. თეშ გარდა, თე პროგრამათ გვალო ადვილ რე ბიბლიურ მუხლეფიშ გორუა დო თინეფიშ ჯინჯიერო რკვიება.

JW ბიბლიოთეკა ბიბლიაშ დოგურაფას მანგარო მოხვარუნა

JW ბიბლიოთეკაშ გონწყუმაშ უკულ გვალო დუდშე ეკრანს ბიბლიაშ წიგნეფიშ სია რჩქინდუ; გოკონან ფერ წიგნიშ გიშაგორუაშ უკულ, თქვან მობილურ მონწყილობაშ ეკრანს ბიბლიაშ დუდეფიშ სიას ქოძირუნთ. თეშნერო ბიბლიურ მუხლეფიშ დო ადგილეფიშ გორუა წამეფშა შილებე. თუდო მოჩამილ რე, მუჭო შეილებნა თე პროგრამაშ გიმორინაფა ბიბლიაშ გურაფაშ დროს:

  • სქოლიოეფი, სოდეთ მოჩამილ რე სიტყვეფი დო ფრაზეფიშ შხვადოშხვანერ თარგმანეფი დო უმოს ინფორმაცია.

  • მარგინალურ მუხლეფი.

  • სიტყვეფიშ ოგორალ ადგილ, ნამუთ მიგეხვარებნა გოკონან ფერ ბიბლიურ მუხლეფიშ დო ადგილეფიშ გორუას.

  • ცხრილ, სოდეთ შეილებნა ქოძირათ, მიქ დო მუჟამს ჭარუ კონკრეტულ ბიბლიურ წიგნი დო მუ დროს მოხვად თე წიგნის ინოჭარილ ამბეფქ.

  • შხვადოშხვა ფერიშ რუკეფი, სქემა, დროშ დიაგრამა დო შხვა.

იეჰოვაშ მოწმეეფიშ შხვა პუბლიკაციეფცალო JW ბიბლიოთეკაშ გინოჭარუა უფარეთ შეილებნა. თე პროგრამა ნებაყოფლობით შესაწირავეფიშ ჭყოლოფუათ გიშაშკვეს დო უკვე მილიონშე მეტშა რე გინოჭარილ (2 კორინთელები 9:7). სი ხოლო გეგნოჭარი თე პროგრამა დო გეგმირინე თე „პორტატიურ ბიბლიოთეკა“.

^ აბზ. 2 2014 წანაშ იანარს თე პროგრამაქ გეახალუ დო ქიგიაძინუ „ირდღაშიან ოკითხე წმინდა წერილეფქ დო ობირეშიშ წიგნიქ (იეჰოვაშ მოწმეეფიშ გიშაშკუმალირ რე).