გიშაგორილი მასალაშა გინულა

სარჩევშა გინულა

 გაკვეთილ 17

მუჭო მოხვარუნა სარაიონო ზედამხედველეფი?

მუჭო მოხვარუნა სარაიონო ზედამხედველეფი?

მალავი

სამქადაგებლო ჯგუფიშ შეხვალამა

ქადაგება

უხუცესეფწკუმა შეხვალამა

ქრისტიანულ-ბერძნულ წერილეფს ბრელშა რე მოშინაფილ ბარნაბა დო მოციქულ პავლე. თინეფ გილმალ ზედამხედველეფ რდეს დო პირველ საუკუნეშ კრებეფს იძირუანდეს. მუშენ? თინეფს შურ დო გურით ოინტერესუდეს მუნეფიშ სულიერ ჯიმალეფიშ ჯგირობუა. პავლეს ოკოდ „დურთინუდკო დო ქუძირუაფუდკო ჯიმალეფი“. თინა მზათ რდუ ოშობით კილომეტრ ულინუდკო, და დო ჯიმალეფშა გურშა ელუკინუდკო დო გუმანგარებუდკო (საქმეები 15:36). ზუსტას თეს ოცადუნა ამდღა ხოლო სარაიონო ზედამხედველეფი.

მიძირუანა დო მამანგარენა. წანმოწანაშე ჟირშა თითოულ სარაიონო ზედამხედველ სოდგარენ ეჩ კრებას იძირუანს. მუჟამს ფთანამშრომლენთ თე გამოცდილ ჯიმალეფწკუმა დო თინეფიშ ოსურეფწკუმა, ბრელ მუთუნს ბგურაფლენთ. თინეფს დუდ ვაზოგუნა გეჩინებაფუან კრებას არძა, ჭიჭე დო დიდ, იქადაგან თინეფწკუმა ართო დო ჩატარან ბიბლიაშ გურაფეფი. თე ზედამხედველეფი კრებაშ უხუცესეფწკუმა ართო იძირუანა თანაქრისტიანეფს დო ჩქინ რწმენაშ გასამანგარებელო კითხულენა მოხსენებეფს კრებაშ შეხვალამეფს დო კონგრესეფს (საქმეები 15:35).

ოინტერესნა კრებაშ თითოულ წევრი. სარაიონო ზედამხედველეფს კრებაშ თითოულ წევრიშ სულიერობა ოინტერესნა. თინეფ შეხვადუნა კრებაშ უხუცესეფს დო მომსახურეეფს, ქიჩუან კრებაქ მუს მიოჭირინუნ თიშენ. თეშ გარდა, პრაქტიკულ რჩევას არზენა ჯიმალეფს, ნამდა უჯგუშო გაკეთან მუნეფშა მებარებულ საქმე. სარაიონო ზედამხედველეფი ოხვარუნა პიონერეფს უჯგუშ მაქადაგებელეფქ ქიჸუანი, იჩინებაფუანა კრებას ახალეფს დო თინეფიშ სულიერ წარმატება ოინტერესნა. თითოულ სარაიონო ზედამხედველს თამამას შემლებნა დუძახათ „თანამშრომელი . . . [ჩქინ] საჯგირობუოთ“ (2 კორინთელები 8:23). ჩქი ხოლო თინეფცალო მანგარ რწმენა ოკო გიმიფრჩქინათ დო ღორონთიშ ართგურქ ოკო იპჸუათ (ებრაელები 13:7).

  • მუშენ იძირუანა სარაიონო ზედამხედველეფი კრებეფს?

  • მუშ გურაფა შეილებნა სარაიონო ზედამხედველშე?