გიშაგორილი მასალაშა გინულა

სარჩევშა გინულა

 გაკვეთილ 25

სამეფო დარბაზეფი — მუშენ დო მუჭო ვაშენენთ სამეფო დარბაზეფს?

სამეფო დარბაზეფი — მუშენ დო მუჭო ვაშენენთ სამეფო დარბაზეფს?

ბოლივია

ჯვეშ დო ახალ სამეფო დარბაზი ნიგერიას

ტაიტი

იეჰოვაშ მოწმეეფიშ ოშაყარალ ადგილს „სამეფო დარბაზი“ ჯოხო. თე სახელშე ხოლო იძირე, ნამდა ბიბლიაშ მთავარ გურაფა ღორონთიშ სამეფოს ოხუ. ზუსტას სამეფო რდუ იესოშ ქადაგებაშ მთავარ თემა (ლუკა 8:1).

სამეფო დარბაზი ჭეშმარიტ თაყვანიშმცემლობაშ ცენტრი რე. სამეფო დარბაზი რე შენობა, სოდეთ იეჰოვაშ მოწმეეფი სამეფოშ გურშენ სახიოლო ამბეშ ქადაგებას უწიენა ორგანიზებას (მათე 24:14). სამეფო დარბაზეფ შხვადოშხვანერ რე ზომათ დო დიზაინით, მარა არძა დარბაზი სადა რე დო თინეფიშ უმენტაშის ართშე მეტ კრება გიმირინუანს. ბოლო მუსხირენ წანაშ დინახალე ჩქი გებდგით ვითობით ანთას ახალ სამეფო დარბაზი (ირ დღას საშუალოთ ხუთი), მუშენდა ირ დღას ირდუ მაუწყებელეფიშ რიცხვი. მუჭო ვაშენით თესხი სამეფო დარბაზი? (მათე 19:26).

სამეფო დარბაზიშ ოშენებელო სპეციალურ ფონდშე გიმირთუ თანხა. შეწირულ თანხა იჯღონუაფ ფილიალშა; თინა თი კრებეფს გიმურთუნს თე თანხას, ნამდგას ახალ სამეფო დარბაზიშ შენება ვარდა ჯვეშიშ გინოკეთება ოსაჭირუ.

სამეფო დარბაზეფს შხვადოშხვა რჯულიშ მოხალისე და დო ჯიმალეფი აშენენა. ბრელ ქიანას სამეფო დარბაზეფიშ მაშენებელ ჯგუფეფ რე. მაშენებელეფიშ ჯგუფი დო მოხალისეეფი მუნეფიშ ქიანას ართ კრებაშ ტერიტორიაშე შხვა კრებაშ ტერიტორიაშა გინულა დო თექიან და დო ჯიამლეფს დარბაზეფიშ შენებას ოხვარნა. შხვა ქიანეფს შენებაშ საქმეს გამოცდილ მოწმეეფი ხენჯღვერანა კრებას, მთელ პროექტიშ დროს აშენება-გინოკეთებაშ შხვადოშხვა ეტაპის; თეშ გარდა, თინეფს შენებაშ დროს ოხვარნა თიცალ და დო ჯიმალეფი, მიდგას ხელობაშ საქმე ჯგირო უჩქუ. თითოულ ოშენებელ ობიექტის მოხალისეეფიშ დიდ ნაწილ თექიან კრებეფშე რენა. თეცალ ჭიჭე დროს თესხი სამეფო დარბაზიშ შენება შეიოლებერ რე იეჰოვაშ წმინდა შურით დო მუშ მსახურეფიშ უდუზოგებ ხანდაშ ჭყოლოფუათ (ფსალმუნი 127:1; კოლოსელები 3:23).

  • მუშენ ჯოხო ჩქინ თაყვანიშმცემლობაშ ადგილს „სამეფო დარბაზი“?

  • მუჭო იშენებაფუაფ თესხი სამეფო დარბაზი მთელ მსოფლიოს?