ᲛᲣᲡ ᲜᲘᲨᲜᲔᲜᲡ?

ართიანიშ ართგურ ჩილ დო ქომონჯ ქორწინებას უჯინე, მუჭოთ მარადიულ კავშირს. თეცალ დამოკიდებულება თინეფს მშვიდას ოგინაფუანს დუდის, მუშენდა ქოთ ოსურ დო ქოთ ქომონჯ დარწმუნებულ რე, ნამდა, მუდგა სირთულეს ვეშეხვადანინ, ართიანიშ ართგურეფ ქუდოსქიდუნა.

ნამთინე ჩილ დო ქომონჯ ოჯახის ხვალე თიშ გურშენ ვეკმარღვანს, ნამდა ოშქურ, მუს თქუანს ხალხ. მარა ნამდვილ ართგურობა ჸოროფაშა დო პატიცემაშა რე გერსხილ.

ᲑᲘᲑᲚᲘᲣᲠ ᲞᲠᲘᲜᲪᲘᲞ: „ქომონჯიქ . . . ვეჩეთხუას მუშ ოსურს“ (1 კორინთელეფ 7:11).

„მეუღლეშ ართგურ ქორექ-და, უცფას ვემიჸუნანქ გურს. ვართ პატიება გაიჭირდუ დო ვართ ბოდიშიშ რაგად. თეწკუმა ართო, პრობლემეფს თეშ უჯინედენ იჸი, მუჭოთ ჭიჭე-ჭიჭე დაბრკოლებეფს დო ვართ ხოლო თიცალ სირთულეეფს, ნამდგაშათ ვემიხვარებე“ (მაიკ).

ᲛᲣᲨᲔᲜ ᲠᲔ ᲐᲣᲪᲘᲚᲔᲑᲔᲠ?

ართიანიშ ართგურ ვა რენ თი ჩილ დო ქომონჯიქ პრობლემეფიშ დროს შილებე უცფას თინა იფიქრას, ნამდა ართიანშო ვა რენა გოჭყაფილ დო ოჯახიშ ეკოცუმაშ აზრ ქიდეკინან.

„იქორწინებუნ თინეფშე ბრელ ფიქრენს, ნამდა ართიანშა ვემიახუჯენან-და, შეულებუნა ჩეთხუან. ქორწინებაშ დაჭყაფშე თაშ ფიქრენსინ თი კოჩშე ვერაგადე, ნამდა ბოლოშა ართგურ იჸუაფ“ (ჯინ).

ᲛᲣᲨ ᲙᲔᲗᲔᲑᲐ ᲨᲔᲘᲚᲔᲑᲣᲜᲐ?

ᲥᲘᲓᲔᲙᲕᲘᲠ ᲡᲥᲐᲜ ᲓᲣᲓᲘᲡ

მეუღლეწკუმა უთანხმოებაშ დროს. . .

• ხომ ვა ნარღენქ თიშა დაქორწინებას?

• ხომ ვა ფიქრენქ, ნოტე შხვაწკუმა ქოპჸუასია?

• ხომ ვა ურაგადუქ: „მა მიდაბრთ“ ვარდა „დობგორუნქ თიცალს, მით პატის ფცენდას იჸი“?

თე კითხვეფშე ართის ვარა დადებითო ქუპასუხ-და, თენა ნიშნენს, ნამდა მეუღლეშ მიმართ ართგურობაშა მიკაჯინალ რჸოფჷ.

ᲥᲘᲩᲘ ᲛᲔᲣᲦᲚᲔᲬᲙᲣᲛᲐ

• ულირს ვორდითინ თიცალ ართგურეფ ქუვორეთო ამდღა ართიანწკუმა? თაშ ვა რენ-და, მუ რე თეშ მიზეზ?

• მუშ კეთება შემლებუნა, ნამდა უმოს ართგურეფ ვორდათ ართიანიშ?

ᲠᲩᲔᲕᲔᲤ

• კანკალეშა თიცალ წერილეფ ქიმეჭარ მეუღლეს, მუდგათ ჸოროფას ქაგინაფუანქ.

• სამუშას სტოლშა მეუღლეშ სურათ ქიგლედვ დო თეთ ხოლო ქაძირე, ნამდა თიშ ართგურ რექჷ.

• ქიმეჭარ ვარდა დურეკ მეუღლეს, მუჟამსით სამუშას ვარდა შხვადო რექჷ.

ᲑᲘᲑᲚᲘᲣᲠ ᲞᲠᲘᲜᲪᲘᲞ: „კოჩიქ ვა ჩუთხინუას ართიანს თინეფ, მით ღორონთიქ ართ ხორცო გინაშქვჷ“ (მათე 19:6).