ბიბლიაშ გიმორკვიება ჯგირო მოქმედენს ჩქინდა. მარა თინა ხოლო უმოს ჯგირობუას მომღანა, მუჟამსით შხვეფს ხოლო ქივეჩიებუთ თის, მუთ გიმორკვიებაშ დროს გებგით. იგავეფიშ 11:25-ის ჭარჷ: „შხვას წყარს არზენსინ თის, ვართ აშო მაკორდუ წყარ“.

ნაგურეფუს შხვეფს ხოლო ქეჩიებუქ-და, თენა ნაგურეფუშ ქოთ უჯგუშო ინონჭაფას დო ქოთ უჯგუშო დამახსოვრებას მიგეხვარებ. თეწკუმა ართო, გურ გეგეხარებ, მუჟამსით ქოძირუნქ, ნამდა სქანდე მორჩქილაფირს შხვეფშა ხოლო მოუღ ჯგირობუა (საქ. 20:35).

გამორს თეცალ მუდგარენ: უკულიან მარაშო, ქეცად, შხვეფს ხოლო ქეჩეუ თიშ გურშენ, მუთ გიმორკვიებაშ დროს გეგჷ. მაგალთო ოჯახიშ წევრის, თანაქრისტიანს, თანამშრომელს, თანაკლასელს, მეზობელს ვარდა მიდგაინს, მით მსახურებას შერხვადუ. ქეცად, თის სქან სიტყვეფით დო გასაგებო გეუნწყე ნაგურეფ.

რშუდას: გიმორკვიებულ ინფორმაციაშ გინოჩამაშ დროს სქან მიზან შხვაშა გურიშ ელაკინა ოკო რდასჷ დო ვართ ხოლო დუდიშ გიმორჩქინა (1 კორ. 8:1).