კითხვა 2
მუჭო გეფჩინებაფუათ ღორონთ?
„ვეჩეთხუას სქან პიჯის კანონიშ თე წიგნიქ, დაბალ ხონარით იკითხ თინა დღაშ დო სერით, ნამდა გურგედვალირო შეასრულე ირფელ, მუთ თექ ჭარჷ; თიმწკუმა იჸუაფუქ ხეგომორძგვილ დო ჭკვერულო მიქციებუქ“.
იესო ნავეშ სქუა 1:8
„თინეფ ხონარმაღალო კითხულენდეს ღორონთიშ კანონს; ხალხის ეუნწყუნდეს, აზრის ოგებაფუანდეს დო ოხვარუდეს, ქენანჭესკო კითხირებულს“.
ნეემია 8:8
„ბედნერ რე კოჩ, ნამუთ უბადოეფიშ ელნაჩემუთ ვეგლურს … იეჰოვაშ კანონ ოჰამ დო კითხულენს თის დღაშ დო სერით … ირფელს ხეგომორძგვილ იჸუაფ“.
ფსალმუნეფ 1:1–3
„ფილიპექ ირულ დო, ქიგიოჭიშუნ, ქიგეგ, ნამდა თინა ესაიაშ წინასწარმეტყველებას კითხულენდჷ, დო უწუ: „ქოგებულენქო, მუდგას კითხულენქ?“ თიქ უპასუხ: „მითინქ ვემინწყ-და, მუჭო გებგენქ?“
„თიშ თვისებეფს, ნამუთ თოლით ვეძირე, თე ქიანაშ გოჭყაფაშე მოჸუნაფილ არგამათ ვორწყეთ; თიშ ნახელუანშე იძირე, ნამდა თინა ღორონთ რე დო ულიებ ძალა უღჷ. ათეშენ, მით თე ირფელშე თოლს წკურუნს, გამართლება ვა უღჷ“.
„იფიქრ თე ირფელშე, მთელ გურით მიაჸუნ თინეფს დო არძა არგამათ ქოძირუნს სქან წიმი ულას“.
„ყურადღება ქიმვაქცუათ დო ქიმვეხვარათ ართიანს ჸოროფაშ გიმორჩქინას დო ჯგირ საქმეეფიშ კეთებას. ვემვოტუათ ართო ეკოშაყარუა“.
„თქვანდე ნამდგაინს სიბრძნე ქარკუნ-და, ირიათო თხუას ღორონთის, დო ღორონთ, ნამუთ არძაწკუმა გურხვე რე დო მითინს ვეგიორაგადანს, ქიმეჩანს თის სიბრძნეს“.
