კითხვა 6
მუ იწინასწარმეტყველ ბიბლიაქ მესიაშ გურშენ?
ᲬᲘᲜᲐᲡᲬᲐᲠᲛᲔᲢᲧᲕᲔᲚᲔᲑᲐ
„ეფრათაშ ბეთლემ … სქანდე გეგშმალე მმართველ ისრაელს“.
მიქა 5:2
ᲨᲔᲡᲠᲣᲚᲔᲑᲐ
„იესოქ დებად იუდეაშ ბეთლემს, ჰეროდეშ მეფობაშ დროს. მუსხირენ ხანიშ უკულ ასტროლოგეფქ აღმოსავლეთშე იერუსალიმშა გენორთეს“.
ᲬᲘᲜᲐᲡᲬᲐᲠᲛᲔᲢᲧᲕᲔᲚᲔᲑᲐ
„ჩქიმ გინაქუნალს ირთუნა დო ჩქიმ მიკაქუნალიშ გურშენ წილშა ლაჸაფენა“.
ფსალმუნეფ 22:18
ᲨᲔᲡᲠᲣᲚᲔᲑᲐ
ჯარიშკოჩეფქ იესო ძელს ქიმკაჭკადესინ, გეჭოფეს თიშ გინაქუნალ დო ოთხო გორთეს … უკულ გეჭოფეს თიშ მიკაქუნალ. თის ნაჭა ვა უღუდ, დუდშე ბოლოშა ნაშუა რდჷ. ართიანს უწუეს: „ვა გოფსოფათ თენა, წილშა ქიბლაჸაფათ დო ნამდგას შეხვადუნ თიშ ქორდას“.
ᲬᲘᲜᲐᲡᲬᲐᲠᲛᲔᲢᲧᲕᲔᲚᲔᲑᲐ
„თინა თხილანს თიშ ძვალეფს, ნამთინ ვეგნოტირხუ“.
ფსალმუნეფ 34:20
ᲨᲔᲡᲠᲣᲚᲔᲑᲐ
„მუჟამსით იესოს ქადირთეს დო ქოძირეს, ნამდა ღურელ რდჷ, თიშა კუჩხეფ ვეგნუტახუნა“.
ᲬᲘᲜᲐᲡᲬᲐᲠᲛᲔᲢᲧᲕᲔᲚᲔᲑᲐ
„ჩქინ ცოდეფიშ გურშენ სხეულ გოურხვეს“.
ესაია 53:5
ᲨᲔᲡᲠᲣᲚᲔᲑᲐ
„ართ ჯარიშკოჩიქ თის ჭვირთ ქიმიოგ ხასლას დო თიმწუთის ზისხირ დო წყარქ მოლართჷ თევრეშე“.
ᲬᲘᲜᲐᲡᲬᲐᲠᲛᲔᲢᲧᲕᲔᲚᲔᲑᲐ
„თინეფქ ოგაფურო 30 ვარჩხილ ქომუჩეს“.
ზაქარია 11:12, 13
ᲨᲔᲡᲠᲣᲚᲔᲑᲐ
„თეშ უკულ ვითოჟირშე ართ-ართიქ, ნამდგას იუდა ისკარიოტელს უძახუდეს, უნჩაშ მღვდელეფშა ქიმერთჷ დო უწუ: „მუს მუჩანთ, თინა ხეშა ქაშაიჸოთათინ?“ თინეფქ 30 ვარჩხილშა მირაგადუეს“.
