კითხვა 11
ვაგრძელენთო სიცოცხლეს ღურაშ უკულ?
„ეშალუ შურ დო მუ დიხას ართუ; თიმ დღას დინუ თიშ ფიქრეფ“.
ფსალმუნეფ 146:4
„ცოცხალეფს უჩქუნა, ნამდა დოღურუნა, მარა ღურელეფს მუთუნ ვა უჩქუნა ... ირფელ, მუდგას ხეს მეთხუნქ, გურგედვალირო აკეთ, მუშენდა ვართ საქმე, ვართ გეგმა, ვართ რჩქინა დო ვართ სიბრძნე ვა რე სამარეს, სოდგა მეურქ“.
ეკლესიასტე 9:5, 10
უკულ [იესოქ] თინეფს უწუ: „ჩქინ მეგობარ ლაზარექ ქიდირულუ, მარა მა თიშ გაკურცხინაფშა მეურქ“. სინამდვილეს იესო თიშ ღურაშ გურშენ იჩიებუდ, მარა თინეფქ იფიქრეს, ნამდა თის დორულაფაშ ამბე აფუდ. თიმწკუმა იესოქ პირდაპირ უწუ: „ლაზარექ დოღურ“.
