ღორონთ ამდღა ბიბლიაშ საშვალებათ მირაგადუნა. ბიბლია მოძირანა, მუჭო გეფხარათ ცხოვრებათ დო მუჭო მიბღათ ღორონთშე მოწონა. თინა თუდო მოჩამილ კითხვეფს ხოლო პასუხენს:

ᲛᲣᲭᲝ ᲑᲒᲝᲠᲐᲗ ᲑᲘᲑᲚᲘᲣᲠ ᲛᲣᲮᲚᲔᲤ

ბიბლია 66 წიგნშე შითმოდირთუ. თინა გორთილ რე ჟირ ნაწილო – ებრაულ-არამეულ წერილეფ („ჯვეშ აღთქმა“) დო ბერძნულ წერილეფ („ახალ აღთქმა“). ბიბლიაშ თითოეულ წიგნ გორთილ რე დუდეფო დო მუხლეფო. მუჟამსით მოჩამილ რე ციტატა, ბიბლიაშ წიგნიშ სახელიშ უკულ მოჩამილ ციფრეფ წიგნიშ დუდ რე, უკულიან ციფრ ვარდა ციფრეფ – მუხლ ვარდა მუხლეფ. მაგალთო, მათეშ 1:1 ნიშნენს, ნამდა თენა რე მათეშ 1-ლ დუდიშ 1-ლ მუხლ.