Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

Unako Ukuba Ngumhlobo KaThixo!

 ISIFUNDO 15

Abahlobo BakaThixo Benza Okulungileyo

Abahlobo BakaThixo Benza Okulungileyo

Xa unomhlobo omthandayo nomhlonelayo, uye uzame ukuba njengaye. IBhayibhile ithi: “Ulungile yaye uthe tye uYehova.” (INdumiso 25:8) Ukuze sibe ngabahlobo bakaThixo, sifanele sibe ngabalungileyo nabathe tye. IBhayibhile ithi: “Yibani ngabaxelisa uThixo, njengabantwana abaziintanda, nize niqhubeke nihamba eluthandweni.” (Efese 5:1, 2) Nazi ezinye iindlela zokwenjenjalo:

Yiba luncedo kwabanye. “Masenze okulungileyo kubo bonke.”​—Galati 6:10.

Sebenza nzima. “Lowo ubayo makangabi seba, kunoko makasebenze nzima, esenza umsebenzi olungileyo ngezandla zakhe.”​—Efese 4:28.

Hlala ucocekile ngokwasemzimbeni nangokuziphatha. “Masizihlambulule kuko konke ukudyobheka kwenyama nokomoya, sigqibelelisa ubungcwele sisoyika uThixo.”​—2 Korinte 7:1.

 Waphathe ngothando nangentlonelo amalungu entsapho yakho. “Ngamnye wenu makamthande umfazi wakhe njengoko ezithanda; ke yena umfazi, makabe nentlonelo enzulu ngendoda yakhe. Bantwana, bathobeleni abazali benu.”​—Efese 5:33–6:1.

Bonisa uthando kwabanye. “Masiqhubeke sithandana, ngenxa yokuba uthando luvela kuThixo.”​—1 Yohane 4:7.

Thobela imithetho yelizwe. ‘Yonke imiphefumlo mayibathobele oorhulumente. Nikani bonke oko kubafaneleyo, lowo kufuneka irhafu kuye, mnikeni irhafu.’​—Roma 13:1, 7.