Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

Unako Ukuba Ngumhlobo KaThixo!

 ISIFUNDO 12

Kwenzeka Ntoni Ekufeni?

Kwenzeka Ntoni Ekufeni?

Ukufa sisichasi sokuphila. Ukufa kufana nobuthongo obunzulu. (Yohane 11:11-14) Abafileyo abeva, ababoni, abakwazi kuthetha, okanye kucinga nantoni na. (INtshumayeli 9:5, 10) Unqulo lobuxoki lufundisa ukuba abafileyo baya kwilizwe lemimoya ukuze baphile nezinyanya zabo. Oko asikuko oko kufundiswa yiBhayibhile.

Abafileyo abanakusinceda, bengenako nokusenzakalisa. Yinto eqhelekileyo ebantwini ukwenza amasiko namadini abakholelwa ukuba aya kukholisa abafileyo. Oku akumkholisi uThixo kuba kusekelwe kobunye bobuxoki bukaSathana. Akunakubakholisa nabafileyo, ekubeni bengaphili. Asifanele siboyike okanye sibanqule abafileyo. Sifanele sinqule uThixo kuphela.—Mateyu 4:10.

Abafileyo baya kuphila kwakhona. UYehova uya kubavusela kubomi eparadesi esemhlabeni abafileyo. Elo xesha liseza. (Yohane 5:28, 29; IZenzo 24:15) UThixo unokubavusa abafileyo kanye njengokuba ngokuqinisekileyo unokumvusa umntu oleleyo.—Marko 5:22, 23, 41, 42.

Ingcamango yokuba asifi bubuxoki obusasazwa nguSathana uMtyholi. USathana needemon zakhe benza abantu bacinge ukuba imimoya yabafi iyaphila yaye ibangela ukugula nezinye iingxaki. USathana ukhohlisa abantu, maxa wambi ngamaphupha nemibono. UYehova uyabagweba abo bazama ukuthetha nabafileyo.—Duteronomi 18:10-12.