Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IMBONISELO OKTOBHA 2015

 INQAKU ELINGUMXHOLO | KUNCEDA NGANTONI UKUTHANDAZA?

Kutheni Abantu Bethandaza?

Kutheni Abantu Bethandaza?

“Ndandikuthand’ egazini ukubheja. Ndathandazela ukuba ndifumane isityhwentywe semali. Kodwa zange kube njalo.”—USamuel, * waseKenya.

“Ekuphela kwento ekwakulindeleke ukuba siyenze esikolweni kukucengceleza imithandazo ngentloko.”—UTeresa, wakwiiPhilippines.

“Ndithandaza xa ndisengxakini. Ndithandazela ukuxolelwa kwezono nokuba ndibe ngumKristu oqhuba kakuhle.”—UMagdalene, waseGhana.

Amagqabaza kaSamuel, uTeresa, noMagdalene abonisa ukuba abantu bathandazela izinto ezahlukahlukeneyo, ezinye zibhadle ngakumbi kunezinye. Abanye abantu bathandaza ngokunyanisekileyo; ngoxa abanye bedlulisela nje usana kunina. Enoba bathandazela ukuba bapase esikolweni, ukuba iqela lezemidlalo abalithandayo liphumelele, ukuba uThixo abakhokele entsatsheni, okanye ezinye izinto, amakhulu ezigidi ayaqonda ukuba kufuneka athandaze. Uhlolisiso luye lwabonisa ukuba kwanabantu abangayihambiyo icawa bathandaza rhoqo.

Ngaba uyathandaza? Ukuba kunjalo, yintoni oyithandazelayo? Enoba ukuqhelile ukuthandaza okanye akunjalo, usenokuzibuza: ‘Ngaba kuyanceda ke nyhani ukuthandaza? Omnye umbhali wathi, umthandazo “luhlobo nje oluthile lonyango olupholisa ingqondo.” Nabathile bezonyango banembono efanayo, bathi umthandazo yenye nje “indlela yokunyanga.” Ngaba abantu abathandazayo benza nje uphela sonwabe okanye bayancedakala ngandlela ithile xa bethandaza?

IBhayibhile ithetha okwahlukileyo koko, ibonisa ukuba umthandazo asilohlobo nje luthile lonyango. Isixelela ukuba kukho umntu oyiphulaphula imithandazo eyenziwa ngendlela efanelekileyo, kuthandazelwa izinto ezifanelekileyo. Ngaba yinyani leyo? Makhe sihlole ubungqina.

^ isiqe. 3 Amanye amagama kweli nqaku atshintshiwe.