I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IMBONISELO SEPTEMBA 2014

Iimpendulo Zemibuzo YeBhayibhile

Iimpendulo Zemibuzo YeBhayibhile

Ngaba iingelosi zinokusinceda?

Njengoko mandulo iingelosi zanceda umkhonzi othembekileyo kaThixo uDaniyeli, namhlanje zinceda abantu beve iindaba ezilungileyo

UYehova uThixo wadala izigidi zeengelosi kwakude kudala ngaphambi kokuba adale abantu. (Yobhi 38:4, 7) Ezi ngelosi zizidalwa zomoya ezikhonza uThixo, ibe maxa wambi uzithuma ukuba zikhusele abakhonzi bakhe basemhlabeni. (INdumiso 91:10, 11) Namhlanje, iingelosi zinceda abantu bafumane iindaba ezilungileyo ezishunyayelwa ngabalandeli bakaYesu.—Funda iSityhilelo 14:6, 7.

Ngaba sifanele sithandaze kwiingelosi sicela uncedo? Akunjalo. Xa sithandaza siyanqula, ibe nguThixo kuphela esimele simnqule. (ISityhilelo 19:10) Ekubeni iingelosi zingabakhonzi bakaThixo, ziphulaphula yena kunabantu. Ngoko sifanele sithandaze kuThixo kuphela egameni likaYesu.—Funda iNdumiso 103:20, 21; Mateyu 26:53.

Ngaba zikho iingelosi ezingendawo?

Njengabantu, iingelosi zidalwe zanenkululeko yokuzikhethela, ngoko zinokukhetha ukwenza okulungileyo okanye okuphosakeleyo. Okubuhlungu kukuba, iingelosi ezininzi ziye zamvukela uThixo. (2 Petros 2:4) Kwaqala uSathana, nezinye zalandela zaza zaba ziidemon. Kamva, uSathana needemon zakhe bagxothwa ezulwini baza baphoswa emhlabeni.—Funda iSityhilelo 12:7-9.

Ukwanda kobungendawo nobundlobongela okuye kwaqatsela ukususela ngo-1914 kubonisa ukuba sele kukufutshane ukuba uThixo amtshabalalise uSathana needemon zakhe. Emva koko uThixo uza kubuyisela umhlaba kwimeko yawo entle yokuqala.—Funda iSityhilelo 12:12; 21:3, 4.

 

Funda Okungakumbi

Izidalwa Zomoya—Indlela Ezisichaphazela Ngayo

IBhayibhile ithetha ngeengelosi needemon. Ngaba ezi zidalwa zomoya zikho? Ngaba zinokubuchaphazela ubomi bethu?

Ngaba Iidemon Zikho Ngokwenene?

Ziyintoni iidemon? Zivela phi?