I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IMBONISELO JULAYI 2014

Iimpendulo Zemibuzo YeBhayibhile

Iimpendulo Zemibuzo YeBhayibhile

Kutheni sifanele sithandaze?

UYehova uThixo ufuna sizive sikhululekile ukuba sithethe naye rhoqo ngezinto ezisixhalabisayo. (Luka 18:1-7) Uyayimamela imithandazo yethu kuba unomdla kuthi. Xa simenywa nguBawo wethu osezulwini ukuba sithandaze kuye, singangasamkeli njani isimemo esinjalo?—Funda eyabaseFilipi 4:6.

Umthandazo awuyondlela nje yokucela uncedo. Kunoko, usenza sisondele kuThixo. (INdumiso 8:3, 4) Xa sisoloko siphalazela imbilini yethu kuThixo, sakha ubuhlobo obusondeleyo naye.—Funda uYakobi 4:8.

Sifanele sithandaze njani?

Xa sithandaza, uThixo ufuna sithethe ngendlela esiqhele ukuthetha ngayo yaye singaphindaphindani nento enye. Akufuneki nokuba side sihlale ngendlela ethile xa sithandaza. UYehova ufuna sithandaze ngokusuka entliziyweni. (Mateyu 6:7) Ngokomzekelo, kwaSirayeli uHana wathandaza kuThixo ngengxaki yentsapho eyayimxhela. Kamva, xa intlungu yakhe yaba luvuyo, uHana wabulela uThixo entliziyweni ngomthandazo.—Funda eyoku-1 kaSamuweli 1:10, 12, 13, 26, 27; 2:1.

Likhethekile ngokwenene ilungelo esinalo lokuthandaza! UMdali wethu singamchazela nayiphi ingxaki. Sinako nokumdumisa size simbulele ngezinto asenzele zona. Asimele silithathe lula eli lungelo sinalo.—Funda iNdumiso 145:14-16.

 

[Umfanekiso okwiphepha 16]

Funda Okungakumbi

Sondela KuThixo Ngomthandazo

Ngaba uThixo uyaphulaphula xa uthandaza? Ukuze siphendule lo mbuzo, sifanele sazi oko kufundiswa yiBhayibhile ngomthandazo.