Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

UVUKANI! JULAYI 2015

 NGABA YADALWA?

Umhlathi Wengwenya

Umhlathi Wengwenya

KUZO zonke izilwanyana ezikhoyo, asikho esiluma ukogqitha ingwenya. Ngokomzekelo, amandla eluma ngawo ingwenya efumaneka kumanzi anetyuwa kufuphi naseOstreliya, iwaphinda kathathu awengonyama okanye awengwe. Sekunjalo, izivamvo zomhlathi wayo zodlula nezeminwe yomntu. Kodwa ingenzeka njani loo nto, ekubeni inesikhumba esiqinileyo?

Umhlathi wengwenya unamawaka-waka ezivamvo. Emva kokuphanda ngazo, umphengululi uDuncan Leitch wathi: “Izivamvo zayo ziphumela kwimingxuma ekwithambo lomhlathi.” Oku kwenza ukuba izivamvo zengwenya zikhuseleke ngoxa ziceketheke ngendlela engenamlinganiselo. Ngenxa yoko, iyakwazi ukusebenzisa umlomo wayo ukwahlukanisa phakathi kokutya nenkunkuma. Ikwayiloo nto neyenza ukuba ingwenya ikwazi ukuthwala amantshontsho ayo ngomlomo ingawatyumzi. Iyamangalisa into yokuba umhlathi wengwenya womelele kangaka, uphinde uceketheke kwangaxeshanye.

Ucinga ntoni? Ngaba umhlathi wengwenya wazivelela? Okanye wadalwa?

Funda Okungakumbi

IINCWADI NEENCWADANA EZINEMIFANEKISO

Ngaba Izinto Eziphilayo Zadalwa?

Ibalulekile into oyikholelwayo ngendlela obaqala ngayo ubomi.

ULUTSHA LUYABUZA

Ngaba Izinto Zadalwa Okanye Zazivelela?—Inxalenye 2: Kutheni Ufanele Ungayikholelwa Into Yokuba Izinto Zazivelela?

Izibakala ezithathu ezibalulekileyo zokuba ufanele ukholelwe kwelokuba izinto zadalwa.