I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

UVUKANI! MATSHI 2014

 AMAZWE NABANTU

Ukutyelela E-El Salvador

Ukutyelela E-El Salvador

PHANTSE kwiminyaka eyi-500 eyadlulayo, xa kwagaleleka abantu baseSpeyin e-El Salvador, olona hlanga lwalulukhulu kuloo mmandla lwaluyibiza loo ndawo ngokuba yiCuscatlán—gama elo elithetha “Ilizwe Lezacholo.” Namhlanje, uninzi lwabantu e-El Salvador bayinzalelwane yalapho kunye nabantu abavela eYurophu.

AmaSalvador aziwa ngokukhuthala nokuba nobuhlobo. Yaye anembeko nentlonelo. Xa ebonana abulisana ngokuthi, “Buenos días” (molweni kule ntsasa) okanye athi, “Buenas tardes” (molweni kule mvakwemini). Enyanisweni, amaSalvador asezilalini nalawo akwiidolophu ezincinci akujonga njengento ekrwada ukudlula nje emntwini ungabulisi.

IEl Salvador idume ngokuvelisa ikofu

Esinye sezidlo ezithandwayo ngamaSalvador yipupusa—isonka esisicaba esihlohlwe itshizi neembotyi kunye nenyama. Kudla ngokugalelwa isosi yetumato, kufakwe necurtido—umxube wekhaphetshu, umnqathe, itswele, neviniga. Nangona abanye abantu besebenzisa imela nefolokhwe, eyona ndlela iqhelekileyo yokutya ipupusa kukutya ngesandla.

Ipupusa sesinye sezidlo ezithandwayo e-El Salvador

Ingxangxasi iLos Tercios, eSuchitoto

 NGABA UBUSAZI? IEl Salvador yaziwa njengendawo eneentaba-mlilo. Zingaphezu kwe-20, yaye ezinye zazo zisadubula. Ingxangxasi iLos Tercios iqukuqela phakathi kwamatye amakhulu abangelwe yintaba-mlilo.

Kukho amaNgqina kaYehova angaphezu kwe-38 000 e-El Salvador, yaye akumabandla amalunga ne-700. Aqhuba izifundo zeBhayibhile nabantu abamalunga ne-43 000 abathetha iSpanish, isiNgesi, neNtetho Yezandla yase-El Salvador.