I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

UVUKANI! FEBRUWARI 2013

 OKWENZEKA EHLABATHINI

Okwenzeka Ehlabathini

KwaSirayeli

IWebhsayithi ekuthiwa yi-Haaretz.com ithi, abantwana “abazalwa beneziphene engezibonwe ngaphambi kokuba bazalwe” abanakumangalela oogqirha besithi babengafanele babavumele bazalwe. Noko ke, abazali banokucela ukuncediswa ngemali “ukuze bakwazi ukuhlawula iindleko zokukhulisa umntwana onesiphene ubomi bakhe bonke.”

EOstreliya

Amadoda nabafazi baseOstreliya abasi-8 kwabali-10 baqala bahlalisane ngaphambi kokuba batshate.

EGrisi

Isebe Lezempilo laseGrisi lithi inani labantu abazibulalayo kwelo liye landa nge-40 pesenti kwiinyanga ezintlanu zokuqala ngowama-2011, xa kuthelekiswa nexesha elifanayo ngowama-2010. Oku kwenzeke ngexesha lokuqalisa kokuwohloka kwezoqoqosho kwakutshanje.

EMerika

INatural Resources Defense Council ithi ukutya okuninzi kwelo kuyalahlwa. Ngokomzekelo, kuqikelelwa ukuba i-7 pesenti yezilimo ayivunwa, i-17 pesenti yokutya okuthengiswa kwiivenkile zokutyela akutyiwa yaye iintsapho ezininzi ziyakulahla ukutya okuninzi ezikuthengayo.

EMadagascar

Olona lovane luncinane emhlabeni luye lwafunyanwa kutshanje eMadagascar. Amanye ala malovane amdaka ngebala, mancinci kangangokuba angonela nakuzipho lomntu. Esi silwanyana sisengozini yokutshabalala phezu komhlaba.