I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

UVUKANI! FEBRUWARI 2013

 OKO KUFUNDISWA YIBHABHILE

Amahlwempu

Amahlwempu

Ngaba uThixo uwakhathalele amahlwempu?

“Musani ukuba ngabathandi bemali . . . Kuba [uThixo] uthe: ‘Andiyi kuze ndikushiye, ndingayi kuze ndikutyeshele.’”—Hebhere 13:5.

INDLELA UTHIXO AYIBONAKALISA NGAYO INKATHALO

Xa umkhonzi kaYehova uThixo esiba neengxaki, uThixo uzibonakalisa ngeendlela ezahlukahlukeneyo ukuba umkhathalele. Enye yazo luthando nenkxaso eboniswa ngamanye amaKristu. * Incwadi kaYakobi 1:27 ithi: “Unqulo oluhlambulukileyo nolungadyobhekanga ngokwembono kaThixo noBawo wethu lulo olu: ukuvelela iinkedama nabahlolokazi embandezelweni yabo.”

AmaKristu enkulungwane yokuqala ayencedana. Ngokomzekelo, xa kwaprofetwa ngendlala eyayiza kufikela elakwaYuda, amaKristu esixeko saseSiriya ekwakuthiwa kukwa-Antiyokwe azimisela “ukuthumela ulungiselelo lwamancedo kubazalwana ababehlala kwelakwaYuda.” (IZenzo 11:28-30) Ngenxa yoko, loo maKristu awayeswele afumana uncedo. Ukupha ngokuzithandela okunjalo kwabonisa uthando lwamaKristu.—1 Yohane 3:18.

 Amahlwempu anokuzinceda njani?

Mna, Yehova, ndinguThixo wakho, Lowo ukufundisa okuyingenelo kuwe.”—Isaya 48:17, 18.

UTHIXO USINCEDA SIKWAZI UKUZINCEDA

Njengoko izigidi zabantu ziye zaphawula, ubulumko obufumaneka eBhayibhileni buluncedo yaye abunakuthelekiswa nanto. IMizekeliso 2:6, 7 ithi: “Kuba uYehova unika ubulumko; emlonyeni wakhe kuphuma ukwazi nokuqonda. Abathe tye uya kubagcinela ubulumko bobuqili; ulikhaka kwabo bahamba ngengqibelelo.” Abantu bayancedakala xa bebusebenzisa obu bulumko.

Ngokomzekelo, abazenzi izinto eziyingozi nezitya imali eninzi, njengokutshaya iziyobisi nokusebenzisa kakubi utywala. (2 Korinte 7:1) Kwakhona, banyanisekile yaye bakhuthele, nto leyo ebanceda bakwazi ukufumana umsebenzi okanye bathandwe ngabaqeshi babo. Eyabase-Efese 4:28 ithi: “Lowo ubayo makangabi seba, kunoko makasebenze nzima, . . . ukuze abe nento yokwabela lowo usweleyo.”

Ngaba bukho ubungqina bokuba iBhayibhile iyawanceda amahlwempu?

“Ubulumko bukaThixo bubonakala buyinyaniso ngemiphumo.”—Mateyu 11:19, The New English Bible.

IMIPHUMO IZICACELE

UWilson waseGhana wenza umsebenzi wesingxungxo yaye isivumelwano sakhe nenkampani ethile sasisele siza kuphela. Ngosuku lwakhe lokugqibela emsebenzini, wabhaqa imali ngoxa wayehlamba imoto yomqeshi wakhe. Umphathi wakhe wathi makangayibonisi mntu. Kodwa uWilson oliNgqina likaYehova akazange avume. Kunoko, wathatha loo mali waza wayisa kumniniyo. UWilson waqashwa ngokusisigxina yiloo nkampani ibe kamva wanyuselwa ukuze abe ngumphathi.

UGéraldine waseYurophu wagxothwa emsebenzini ngenxa yokuba umqeshi wakhe engawafuni amaNgqina kaYehova. Noko ke, umama walo mqeshi wamxelela ukuba “wenze impazamo enkulu.” Wathi: “Awusoze uphinde umfumane omnye umntu onyaniseke nokhuthele njengeNgqina likaYehova.” Le nkosikazi yaphanda ngamaNgqina ibe yambuyisela emsebenzini wakhe uGéraldine.

Xa uSarah ongenamyeni nohlala eMzantsi Afrika wayengenamali, wayibona indlela athandana ngayo amaKristu xa abantu akhonza nabo bathengela intsapho yakhe ukutya baza bamnceda nangezinye izinto awayezidinga. Kamva, abantwana bakhe bathi: “Sinabazali abaninzi ebandleni.”

Maninzi amava anjengala. Asikhumbuza amazwi eMizekeliso 1:33, athi: “Ondiphulaphulayo [mna Yehova], uya kuhlala ngonqabiseko.” Ngokwenene, la mazwi ayinyaniso!

^ isiqe. 5 Kwezinye iindawo, urhulumente uye enze amalungiselelo okunceda abasweleyo. Kumazwe angenayo le nkxaso, zizalamane zalowo usweleyo ezifanele zimondle.—1 Timoti 5:3, 4, 16.