Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

Yob 33:1-33

33  “Noko ke, khawuncede uve ngoku amazwi am, Yobhi, Uze ukubekele indlebe konke ukuthetha kwam.   Nceda, khangela! Ndimele ndiwuvule umlomo wam; Ulwimi lwam nenkalakahla yam+ zimele zithethe.   Amazwi am kukuthi tye kwentliziyo yam,+ Nemilebe yam ithetha ulwazi ngokunyaniseka.+   Ndenziwa ngumoya kaThixo,+ Nempefumlo kaSomandla yandidlisa ubomi.+   Ukuba unako, ndiphendule, Bhekisa amazwi kum; yima endaweni yakho.   Khangela! Ndiyiloo nto uyiyo nam kuThixo oyinyaniso;+ Nam, ndabunjwa ngodongwe.+   Khangela! Akukho nto yothusayo kum iya kukunkwantyisa, Yaye akukho ngcinezelo+ yam iya kuba nzima kuwe.   Kuphela nje uthethe ezindlebeni zam, Nesandi samazwi akho ndaqhubeka ndisiva,   ‘Ndimsulwa andinakunxaxha;+ Ndihlambulukile, yaye andinasiphoso.+ 10  Khangela! Ufumana amathuba okuchasana nam, Undithabatha njengotshaba lwakhe.+ 11  Iinyawo zam uzifaka ezitokisini,+ Ulinda zonke iindlela zam.’+ 12  Khangela! Koku ubungachananga,+ ndiyakuphendula; Kuba uThixo ungaphezulu komntu ofayo.+ 13  Kutheni ukuze usukuzane naye,+ Kuba onke amazwi akho akawaphenduli?+ 14  Kuba uThixo uthetha kube kanye, Nakabini+—Nangona ubani engakunikeli ngqalelo oko— 15  Ephupheni,+ embonweni+ wasebusuku, Xa abantu befikelwe bubuthongo obunzulu, Xa besozela emandlalweni.+ 16  Uyityhila ngoko indlebe yabantu,+ Yaye ubeka itywina lakhe ekubabongozeni, 17  Ukujika umntu esenzweni sakhe,+ Nokuze agubungele ikratshi+ kwindoda eyomeleleyo. 18  Uyawunqanda umphefumlo wayo ungayi emhadini+ Nobomi bayo bungadluli ngomjukujelwa.+ 19  Eneneni yohlwaywa ngeentlungu emandlalweni wayo, Nokuxabana kwamathambo ayo kuyaqhubeka. 20  Ubomi bayo ngokuqinisekileyo benza isonka sibe nezothe,+ Nomphefumlo wayo ukudla okunqwenelekayo. 21  Inyama yayo iyanyamalala, Namathambo ayo abengabonwa ngokuqinisekileyo ayatyhileka. 22  Yaye umphefumlo wayo usondela emhadini,+ Nobomi bayo kwabo babangela ukufa. 23  Ukuba inomthunywa, Lowo uyithethelayo, omnye kwabaliwaka, Ukuze axelele umntu ukuthi tye kwakhe, 24  Wandula ke akholiswe nguye aze athi, ‘Mkhulule angehli aye emhadini!+ Ndifumene intlawulelo!+ 25  Inyama yakhe mayihlaziyeke ngakumbi kunasebutsheni;+ Makabuyele emihleni yamandla obutsha bakhe.’+ 26  Uya kumbongoza uThixo ukuba akholiswe nguye,+ Yaye uya kububona ubuso bakhe ngemikhwazo yovuyo, Abubuyisele ubulungisa Bakhe kumntu ofayo. 27  Uya kuvumela abantu athi, ‘Ndonile;+ ndaza okuthe tye ndakugqwetha, Yaye ngokuqinisekileyo bekungeyonto ifanelekileyo ngam. 28  Uwukhulule umphefumlo wam ekudluleleni emhadini,+ Yaye ubomi bam buya kukubona ukukhanya.’ 29  Khangela! UThixo uyazenza zonke ezi zinto, Izihlandlo ezibini, izihlandlo ezithathu, kwimeko yendoda eyomeleleyo, 30  Ukuze abuyise umphefumlo wayo emhadini,+ Ukuze akhanyiselwe ngokukhanya kwabo baphilayo.+ 31  Nikela ingqalelo, Owu Yobhi! Ndiphulaphule! Yithi cwaka, yaye mna ndiza kuqhubeka ndithetha. 32  Ukuba kukho nawaphi na amazwi okuthetha, ndiphendule; Thetha, ngokuba ndiyayoliswa bubulungisa bakho. 33  Ukuba akakho, ndiphulaphule;+ Yithi cwaka, mna ndiza kukufundisa ubulumko.”

Umbhalo osemazantsi