Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

Yobhi 32:1-22

32  Ayeka ke ngoko la madoda mathathu ukumphendula uYobhi, ngenxa yokuba wayelilungisa kwawakhe amehlo.+  Kodwa wavutha umsindo kaElihu unyana kaBharakeli umBhuze+ wentsapho yakwaRam. Umsindo wakhe wavutha kuYobhi ngenxa yokuvakalisa kwakhe umphefumlo wakhe ulilungisa endaweni kaThixo.+  Umsindo wakhe wavutha nakumaqabane akhe amathathu ngenxa yokuba engafumananga mpendulo kodwa eqhubeke emvakalisa uThixo engendawo.+  Yaye uElihu wayemlinde ngamazwi uYobhi, kuba babebadala kunaye ngemihla.+  Kwaye uElihu wabona ukuba kwakungekho mpendulo emlonyeni+ waloo madoda mathathu, yaye umsindo wakhe waya uvutha ngakumbi.  Waza uElihu unyana kaBharakeli umBhuze waphendula wathi: “Ndiselula ngemihlaYaye nina naluphele.+Kungenxa yoko ndiye ndahlehla ndoyikaUkuvakalisa ulwazi lwam kuni.   Ndithe, ‘Mayithethe imihla,Nobuninzi beminyaka bazise ubulumko.’+   Ngokuqinisekileyo ngumoya osebantwini abafayoNempefumlo kaSomandla ebanika ukuqonda.+   Asingabo banemihla emininzi kuphela abangqineka benobulumko,+Kwanabo badala nje kuphela abawuqondayo umgwebo.+ 10  Ngoko ke ndithe, ‘Khanindiphulaphule.Kwanam, ndiza kuluvakalisa ulwazi lwam.’ 11  Khangelani! Ndiwalindile amazwi enu,Ndiqhubekile ndikubekele indlebe ukuqiqa kwenu,+De nanokuwafumana amazwi emaniwathethe. 12  Yaye ingqalelo yam ndaqhubeka ndiyiphethulele kuni,Yaye apha akukho namnye umohlwayayo uYobhi,Namnye kuni uwaphendulayo amazwi akhe, 13  Ukuze ningathi, ‘Sibufumene ubulumko;+NguThixo omphephethayo, asingomntu.’ 14  Ekubeni engabhekisanga mazwi kum,Ngoko andiyi kumphendula ngamazwi enu. 15  Baye bankwantya, ababi saphendula;Amazwi amkile kubo. 16  Yaye ndilindile, kuba abaqhubeki bathethe;Kuba beme ngxi, ababi saphendula. 17  Nam, ndiza kunikela eyam impendulo;Nam, ndiza kuluvakalisa ulwazi lwam; 18  Kuba ndizaliswe ngamazwi;Umoya undicinezele+ esiswini sam. 19  Khangela! Isisu sam sinjengewayini engenandawo yakuphuma;Njengeentsuba ezintsha sifuna ukugqabhuka.+ 20  Mandithethe ukuze ndibe nokukhululeka.Ndiza kuyivula imilebe yam ukuze ndiphendule.+ 21  Mandingakhethi buso bamntu;+Yaye umntu wasemhlabeni andisayi kumnika igama lesihlonipho;+ 22  Kuba ngokuqinisekileyo andazi ukuba ndinokulinikela njani igama lesihlonipho;Ngokulula uMenzi wam+ uya kundithwala andisuse.

Umbhalo osemazantsi