Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

Yobhi 26:1-14

26  Waza waphendula uYobhi wathi:   “Owu hayi indlela enibe luncedo ngayo kulowo ungenamandla!Owu hayi indlela eniyisindise ngayo ingalo engenamandla!+   Hayi indlela enimcebise ngayo lowo ungenabulumko,+Yaye ubulumko bobuqili nibazisile kwabaninzi!   Ngubani na enimxeleleyo amazwi,Yaye ngubani na impefumlo yakhe ephume kuni?   Abo bangenamandla ekufeni baqhubeka bengcangcazelaNgaphantsi kwamanzi nabo bahlala kuwo.+   IShiyol ize phambi kwakhe,+Nendawo yentshabalalo ayinasigqubuthelo.   Elasentla ulolula phezu kwendawo engenanto,+Ihlabathi ulixhoma kokungento;   Amanzi uwasongela ngamafu akhe,+Ukuze ingqimba yelifu ingahlukani ngaphantsi kwawo;   Uvingca ubuso betrone,Elaneka phezu kwayo ilifu lakhe.+ 10  Wenze isazinge phezu kobuso bamanzi,+Apho ukukhanya kuphelela ebumnyameni. 11  Iintsika zezulu ziyangcangcazela,Yaye zithi manga ngenxa yokukhalinyelwa nguye. 12  Ngamandla akhe uzamazamisa ulwandle,+Yaye ngokuqonda kwakhe waphule umhlaseli+ wamqoba.+ 13  Ngomoya wakhe ulikhazimlisile izulu,+Isandla sakhe siyihlabile inyoka enyebelezayo.+ 14  Khangela! Ezi zinto yimiphetho yeendlela zakhe,+Yaye kukusebeza kuphela okuviweyo kuvela kuye!Kodwa ngubani onokubonisa ukuyiqonda indudumo yakhe enamandla?”+

Umbhalo osemazantsi