Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

Yobhi 23:1-17

23  Waza waphendula uYobhi wathi:   “Kwananamhlanje ukuxhalaba kwam+ kuyimvukelo;Isandla sam sinzima ngenxa yokuncwina kwam.   Owu akwaba bendisazi ukuba ndinokumfumana phi na ngokwenene!+Bendiya kuza ndiye kufika kwindawo ahlala kuyo.+   Bendiya kuzisa phambi kwakhe ityala,Ndize umlomo wam ndiwuzalise ngeengxoxo zokuziphendulela;   Bendiya kuwazi amazwi andiphendula ngawo,Yaye bendiya kukuqwalasela oko akuthethayo kum.+   Ngaba ebeya kusukuzana nam ngamandla amakhulu?Akunjalo! Ngokuqinisekileyo ebeya kunikela ingqalelo kum.+   Lowo uthe tye ngokuqinisekileyo uya kuyilungelelanisa imicimbi,Yaye bendiya kumka kumgwebi wam ndikhuselekile ngonaphakade.   Khangela! Ndiya empuma, yaye akakho apho;Ndibuye kwakhona, ibe andimqondi;+   Ekhohlo apho asebenza khona, kodwa andimboni;Ujikela ngasekunene, kodwa andimboni. 10  Kuba uyazi kakuhle indlela endiyithabathayo.+Emva kokuba endivavanyile, ndiya kuphuma ndinjengegolide.+ 11  Unyawo lwam lunamathele emanyathelweni akhe;Indlela yakhe ndiyigcinile, yaye andiphambuki.+ 12  Emyalelweni wemilebe yakhe andisuki.+Ndiwagcinile amazwi omlomo wakhe+ ngaphezu koko ndimiselwe kona. 13  Inye ingqondo yakhe, yaye ngubani onokumxhathisa?+Nomphefumlo wakhe uyanqwena, kwaye uya kukwenza.+ 14  Kuba uya kukuphumeza ngokupheleleyo oko ndikumiselweyo,+Yaye izinto ezinjengezi zininzi kuye. 15  Kungenxa yoko ndiziva ndiphazamisekile ngenxa yakhe;Ndizibonakalisa ndinikela ingqalelo yaye uyandinkwantyisa.+ 16  KwanoThixo uyenze yaphakuzela intliziyo yam,+Yaye uSomandla undiphazamisile.+ 17  Kuba andenziwanga ndathi cwaka ngenxa yobumnyama,Nangenxa yokuba ubuso bam bugutyungelwe sisithokothoko.

Umbhalo osemazantsi