I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Yobhi 20:1-29

20  Waza waphendula uTsofare umNahama wathi:   “Ngoko ke iingcinga zam eziphazamisayo ziyandiphendula, Nangenxa yokuvuseleleka ngaphakathi kwam.   Ndiva isibongozo esindithukayo; Nomoya ongenako ukuqonda endinako uyandiphendula.   Ngaba ubusoloko ukwazi oku, Kususela ekubekweni komntu emhlabeni,+   Ukuba intswahla yovuyo yabantu abangendawo imfutshane+ Nemihlali yomwexuki yeyomzuzu?   Nangona ukubalasela kwakhe kunyukela ezulwini+ Nentloko yakhe ifika emafini,   Njengelindle lakhe utshabalala ngonaphakade;+ Abo bambonayo baya kuthi, ‘Uphi na?’+   Uya kuphaphazela emke njengephupha, yaye abayi kumfumana; Uya kugxothwa emke njengombono wasebusuku.+   Iliso elimbonileyo aliyi kumbona+ kwakhona, Nendawo yakhe ayisayi kumbona kwakhona.+ 10  Oonyana bakhe baya kufuna inkoliseko yabantu abasweleyo, Nezandla zakhe ziya kuzibuyisela izinto zakhe zexabiso.+ 11  Amathambo akhe ebezaliswe ngamandla akhe obutsha, Kodwa aya kulala naye eluthulini.+ 12  Ukuba okubi kungcamleka kamnandi emlonyeni wakhe, Ukuba ukwenza kunyibilike phantsi kolwimi lwakhe, 13  Ukuba unemfesane ngako yaye akakushiyi, Yaye ukuba uqhubeka ekugcinile kwinkalakahla yakhe, 14  Ukutya kwakhe kuya kutshintshwa ngokuqinisekileyo emathunjini akhe; Kuya kuba yinyongo yamaphimpi ngaphakathi kuye. 15  Indyebo uyiginyile, kodwa uya kuyihlanza; UThixo uya kuyikhupha esiswini sakhe. 16  Uya kumfimfitha ubuhlungu bamaphimpi; Ulwimi lwerhamba luya kumbulala.+ 17  Akayi kuze ayibone imijelo yamanzi,+ Imisinga equkuqelayo yobusi nebhotolo. 18  Uya kuwubuyisela umhlaba awuzuzileyo angawuginyi; Njengendyebo yokusebenza kwakhe, kodwa angayi kuyinandipha.+ 19  Kuba ubatyumze baziingceba, ubashiyile abazizisweli; Uxhwile indlu engakhiwanga nguye.+ 20  Kuba ngokuqinisekileyo akayi kuba nakuphumla esiswini sakhe; Akayi kusinda ngenxa yezinto zakhe ezinqwenelekayo.+ 21  Akukho nto iseleyo ukuba ayiqwenge; Kungenxa yoko impilo-ntle yakhe ingayi kuhlala ihleli. 22  Ngoxa enentabalala uya kuba nexhala;+ Onke amandla elishwa aya kumfikela. 23  Makwenzeke ukuba, ukuze azalise isisu sakhe, Uya kuthumela ukuvutha komsindo wakhe kuye+ Akunisele phezu kwakhe, ezibilinini zakhe. 24  Uya kubaleka+ emke kwisikrweqe sentsimbi; Isaphetha sobhedu siya kumgqobhoza. 25  Umjukujelwa uya kuphumela emhlana kuye, Size isixhobo esimenyezelayo siphumele enyongweni yakhe;+ Uya kufikelwa zizinto ezothusayo.+ 26  Bonke ubumnyama buya kubekelwa izinto zakhe ezibubuncwane; Umlilo ongavuthelwanga mntu uya kumdla umgqibe;+ Uya kwehlelwa bububi osindileyo ententeni yakhe. 27  Izulu liya kusityhila isiphoso sakhe,+ Yaye umhlaba uya kumvukela. 28  Isiphango esikhulu siya kuyikhukulisa indlu yakhe; Kuya kubakho izinto ezithululwayo ngemini yomsindo wakhe.+ 29  Siso esi isabelo uThixo asinika umntu ongendawo,+ Kwanelifa lakhe elixeliweyo elivela kuThixo.”

Umbhalo osemazantsi