I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Yobhi 19:1-29

19  Waza waphendula uYobhi wathi:   “Koda kube nini na niwucaphukisa umphefumlo wam+ Nindityumza ngamazwi?+   Ezi zihlandlo zilishumi nindikhalimela; Aninazintloni ukundiphatha ngqwabalala kangaka.+   Yaye, ndiyavuma ndenze impazamo,+ Iya kuhlala kum impazamo yam.   Ukuba enyanisweni nina niyazigwagwisa kum,+ Yaye nindibonisa ukuba ukungcikivwa kwam kundifanele,+   Yazini, ke ngoko, ukuba uThixo undilahlekisile, Yaye undivingcele ngomnatha wakhe wokuzingela.+   Khangela! Ndiqhubeka ndidanduluka ndisithi, ‘Ugonyamelo!’ kodwa andifumani mpendulo;+ Ndiyaqhubeka ndikhalela uncedo, kodwa akukho okusesikweni.+   Umendo wam uwuthintele ngodonga lwamatye,+ yaye andinakudlula; Yaye ezindleleni zam ubeka ubumnyama.+   Undihlubile uzuko lwam,+ Yaye uyasisusa isithsaba sentloko yam. 10  Undidiliza macala onke, yaye ndiyemka; Ithemba lam ulincothula njengomthi. 11  Kwanomsindo wakhe uyavutha kum,+ Yaye uqhubeka endibala njengotshaba lwakhe. 12  Ngokumanyeneyo abaphumi-mkhosi bakhe bafika bandibiyele,+ Bamise inkampu bejikeleze intente yam. 13  Abantakwethu ubashenxisela kude nam,+ Yaye abo bandaziyo bandilahlile. 14  Abo basenyongweni kum abasekho,+ Nabo ndibaziyo bandilibele, 15  Abo bahlala endlwini yam njengabaphambukeli;+ namakhobokazana am andibalela kwabasemzini; Ndingowasemzini ngokwenene emehlweni abo. 16  Umkhonzi wam ndimbizile, kodwa akaphenduli. Ngomlomo wam ndiqhubeka ndicela ukuba abe nemfesane. 17  Impefumlo yam ilizothe emfazini wam,+ Yaye ndinuka kakubi koonyana besisu sikama. 18  Kwanamakhwenkwana andigatyile;+ Ndithi ndakuphakama, aqalise ukuthetha nxamnye nam. 19  Onke amadoda akwiqela lamakholwane am ayandicekisa,+ Yaye lawo ndandiwathanda andijikele.+ 20  Amathambo am anamathele eluswini lwam nasenyameni yam,+ Yaye ndisinda cebetshu. 21  Ndibabaleni, ndibabaleni, maqabane am,+ Kuba isandla sikaThixo sindichukumisile.+ 22  Kutheni niqhubeka ninditshutshisa njengokuba uThixo esenza,+ Ninganeliswa yinyama yam? 23  Owu akwaba amazwi am ebebhalwe phantsi! Owu akwaba ebebhalwe encwadini! 24  Ngosiba lwentsimbi+ nangelothe, Owu akwaba ebeqingqwe ngonaphakade elityeni! 25  Yaye mna ndiyazi kakuhle ukuba umkhululi wam+ uyaphila, Yaye nokuba, emva kwam, uya kuphakama+ phezu kothuli. 26  Yaye emva kolusu lwam, abaluhlinzileyo,—lwanje! Nangona ndincitshisiwe enyameni yam ndiya kumbona uThixo, 27  Kwanam endiya kuzibonela yena,+ Namehlo am ngokuqinisekileyo aya kumbona, kodwa kungekhona owasemzini. Izintso zam ziphelelwe ngaphakathi kum. 28  Kuba nithi, ‘Kutheni siqhubeka simtshutshisa?’+ Ngoxa eyona ngcambu yalo mcimbi ikum. 29  Zoyikeleni ngenxa yekrele,+ Kuba ikrele lithetha umsindo nxamnye neziphoso, Ukuze nina nazi ukuba ukho umgwebi.”+

Umbhalo osemazantsi