I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Yobhi 14:1-22

14  “Umntu, ozelwe ngumfazi,+ Unobomi obufutshane+ obuzele kukuphazamiseka.+   Njengentyatyambo uyavela aze anqunyulwe,+ Yaye ubaleka emke njengesithunzi+ angaqhubeki ekho.   Ewe, iliso lakho ulivulile phezu kwalo, Yaye mna undizise ekugwetyweni.+   Ngubani na ongavelisa umntu ohlambulukileyo kumntu ongahlambulukanga?+ Akukho namnye.   Ukuba imihla yakhe igqityiwe,+ Inani leenyanga zakhe likuwe; Umenzele ummiselo ukuze angagqithi.   Yeka ukumondela ukuze afumane ukuphumla,+ De afumane uyolo njengoko umqeshwa elufumana ngemini yakhe.   Kuba kukho ithemba nangomthi. Ukuba uthi ugawulwe, uya kuhluma kwakhona,+ Yaye isetyana lawo aliyi kuyeka ukubakho.   Ukuba ingcambu yawo iba ndala emhlabeni Size isiphunzi sawo sife eluthulini,   Ngevumba lamanzi uya kuhluma+ Uze ngokuqinisekileyo uvelise isebe njengesithole.+ 10  Kodwa indoda eyomeleleyo iyafa ize ilale yoyisiwe; Yaye umntu wasemhlabeni uyabhubha, yaye uphi na?+ 11  Amanzi athi shwaka elwandle, Yaye umlambo uyatsha uze wome.+ 12  Kwanomntu uyalala aze angavuki.+ De izulu lingabikho abayi kuvuka,+ Yaye abayi kuvuswa ebuthongweni babo.+ 13  Owu akwaba ubungandifihla eShiyol,+ Undigcine ndifihlakele de ubuye umsindo wakho, Undibekele umda wexesha+ uze undikhumbule!+ 14  Ukuba indoda eyomeleleyo iyafa ngaba inokuphila kwakhona?+ Ngayo yonke imihla yam yomsebenzi osisinyanzelo ndiya kulinda,+ Kude kufike ukukhululeka kwam.+ 15  Uya kubiza, ndisabele.+ Uya kuwulangazelela umsebenzi wezandla zakho. 16  Kuba ngoku uqhubeka uwabala amanyathelo am;+ Akukho nto uyilindileyo ngaphandle kwesono sam.+ 17  Imvukelo yam itywinwe engxoweni,+ Yaye isiphoso sam usifaka isinamatheliso. 18  Noko ke, xa intaba isiwa, iya kunyamalala, Kwaneliwa liya kususwa endaweni yalo. 19  Amanzi ngokuqinisekileyo akhuthula kwanamatye; Ukuphuphuma kwawo kukhukulisa uthuli lomhlaba. Ngoko ulitshabalalisile ithemba lomntu ofayo. 20  Umongamela ngonaphakade ukuze emke;+ Uyayijika imbonakalo yobuso bakhe ukuze umndulule. 21  Oonyana bakhe banikwa imbeko, kodwa yena akakwazi oko;+ Bayadelelwa, kodwa akabaqwalaseli. 22  Yinyama yakhe ngoxa ikuye kuphela eya kuqhubeka iqaqamba, Nomphefumlo wakhe ngoxa ungaphakathi kuye uya kuqhubeka uzilile.”

Umbhalo osemazantsi