Yiya kwinkcazelo

Yiya kwiziqulatho

AmaNgqina KaYehova

Khetha ulwimi IsiXhosa

Yobhi 13:1-28

13  “Khangela! Konke oku iliso lam likubonile,Indlebe yam ivile yaza yaqwalasela.   Oko nikwaziyo nam ndiyakwazi;Andikho ngaphantsi kuni.+   Noko ke, mna ndiya kuthetha kuSomandla,+Yaye ndiya kuyoliswa kukuxoxa noThixo.   Kwelinye icala, ningabo badyobha ngobuxoki;+Nonke ningoogqirha abangenaxabiso.+   Ukuba nje beninokuthi cwaka ngokupheleleyo,Ukuze kungqineke kububulumko kuni oko!+   Ncedani, nive ingxoxo yam yokuziphendulela,+Nikunikele ingqalelo ukubongoza kwemilebe yam.   Ngaba niya kuthethela uThixo ngentswela-bulungisa,Nize nimthethele ngenkohliso?+   Ngaba niya kumphatha ngokukhetha ubuso,+Okanye ngaba niya kusukuzana ematyaleni ngenxa yoTHIXO oyinyaniso?   Ngaba kuya kulunga xa athe wanigocagoca?+Okanye njengoko ubani ekhohlisa umntu ofayo ngaba niya kumkhohlisa? 10  Uya kunohlwaya ngokuqinisekileyo+Ukuba nizama ukukhetha ubuso emfihlekweni;+ 11  Ngaba isidima sakhe asiyi kunenza nixhume kukothuka,Kuze ukunkwantya nguye kube phezu kwenu?+ 12  Amazwi enu akhumbulekayo yimizekeliso yothuthu;Izihombiso zamakhaka enu zizihombiso zamakhaka odongwe.+ 13  Yithini cwaka phambi kwam, ukuze ndithethe.Ndandule ndifikelwe nayintoni na! 14  Kutheni inyama yam ndiyithwele ngamazinyo amNdibeke umphefumlo wam entendeni yam?+ 15  Kwanokuba unokundibulala, ngaba andiyi kulinda?+Ndiya kuxoxa phambi kobuso bakhe kuphela ngenxa yeendlela zam. 16  Kwayena uya kuba lusindiso lwam,+Kuba phambi kwakhe akukho mwexuki uya kungena.+ 17  Liveni ilizwi lam,+Kuze endikuvakalisayo kube sezindlebeni zenu. 18  Khanikhangele! Ndizise ityala;+Ndazi kakuhle ukuba ndenze okulungileyo. 19  Ngubani na oya kusukuzana nam?+Kuba ngoku ukuba bendiya kuthi cwaka bendiya kusuka ndibhubhe! 20  Zimbini kuphela izinto ofanele ungazenzi kum;Ukuze ndingazifihli ngenxa yakho;+ 21  Sishenxisele kude kum isandla sakho,Yaye ukothuka ngenxa yakho—ngamana kungangandinkwantyisi.+ 22  Ndibize ukuze ndiphendule;Okanye mandithethe, uze undiphendule. 23  Ziyintoni na iziphoso nezono zam?Ndazise imvukelo yam nesono sam. 24  Kutheni ubufihla ubuso bakho+Uze undigqale njengotshaba lwakho?+ 25  Ngaba uya kulenza lididizele igqabi eliphetshethwayo,Okanye uqhubeke usukela iindiza ezomileyo? 26  Kuba uqhubeka ubhala izinto ezikrakra ngam+Yaye undenza ndibe lilifa lemiphumo yeziphoso zobutsha bam.+ 27  Kwaneenyawo zam uzigcina zisesitokisini,+Yaye ulinda wonke umendo wam;Kuba ezintendeni zeenyawo zam ubeka owakho umzila. 28  Yaye ufana nento ebolileyo ephelayo;+Njengesambatho esidliwa linundu siphele.+

Umbhalo osemazantsi