I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 98:1-9

Uncuthu lwengoma. 98  Mvumeleni ingoma entsha uYehova,+ Kuba ziyamangalisa izinto azenzileyo.+ Isandla sakhe sasekunene, yona kanye ingalo yakhe engcwele, imzuzele usindiso.+   UYehova ulwazisile usindiso lwakhe;+ Emehlweni eentlanga ubutyhilile ubulungisa bakhe.+   Ubukhumbule ububele bakhe bothando nokuthembeka kwakhe kwindlu kaSirayeli.+ Zonke iziphelo zomhlaba zilubonile usindiso loThixo wethu.+   Dumani kuYehova ngoloyiso, nonke nina bantu bomhlaba.+ Chwayitani, nimemelele ngovuyo, nicule uncuthu lwengoma.+   Culani uncuthu lwengoma kuYehova ngohadi,+ Ngohadi nangelizwi loncuthu lwengoma.+   Ngamaxilingo nangesandi sesigodlo+ Dumani ngoloyiso phambi koKumkani, uYehova.   Malududume ulwandle noko kuluzalisileyo,+ Ilizwe elinemveliso nabo bahlala kulo.+   Imilambo mayiqhwabe izandla; Neentaba xa zizonke mazimemelele ngovuyo+   Phambi koYehova, kuba uze kugweba umhlaba.+ Uya kuligweba ilizwe elinemveliso ngobulungisa+ Nezizwana ngokuthe tye.+

Umbhalo osemazantsi