INdumiso 89:1-52
IMaskili. KaEtam umEzera.+
89 Ububele bothando bukaYehova ndiza kuvuma ngabo kude kube lixesha elingenammiselo.+
Kwizizukulwana ngezizukulwana ndiya kwazisa ukuthembeka kwakho ngomlomo wam.+
2 Kuba ndithe: “Ububele bothando buya kwakhiwa kude kube lixesha elingenammiselo;+
Wona ke amazulu, ukuthembeka kwakho ukumisela ngokuqinileyo kuwo.”+
3 “Ndenze umnqophiso nonyuliweyo wam;+
Ndifungile kuDavide umkhonzi wam,+
4 ‘Ndiya kuyimisela ngokuqinileyo imbewu yakho kude kube lixesha elingenammiselo,+
Yaye ndiza kuyakha itrone+ yakho ukusa kwizizukulwana ngezizukulwana.’” Seʹlah.
5 Amazulu aya kubonga isenzo sakho esimangalisayo, Yehova,+
Ewe, ukuthembeka kwakho ebandleni labangcwele.
6 Kuba ngubani na esibhakabhakeni onokuthelekiswa noYehova?+
Ngubani na onokufana noYehova phakathi koonyana bakaThixo?+
7 UThixo makoyikwe phakathi kweqela lamakholwane abangcwele;+
Uzukile yaye uyoyikeka kubo bonke abo bamjikelezileyo.+
8 Owu Yehova Thixo wemikhosi,+
Ngubani na onamandla njengawe, Ya?+
Nokuthembeka kwakho kukujikelezile.+
9 Kulawula wena phezu kokukhukhumala kolwandle;+
Ekuwaphakamiseni kwalo amaza alo wena uyawazolisa.+
10 Wena umtyumzile uRahabhi,+ wanjengobuleweyo.+
Uzichithachithile iintshaba zakho ngengalo yamandla akho.+
11 Lelakho izulu,+ nomhlaba ikwangowakho;+
Ilizwe elinemveliso noko lizele kuko+—wena waziseka ezo zinto.+
12 Umntla nomzantsi—zadalwa nguwe;+
ITabhore+ neHermon+—zimemelela ngovuyo egameni lakho.+
13 Ingalo enamandla yeyakho,+
Isandla sakho somelele,+
Isandla sakho sasekunene siphakamile.+
14 Ubulungisa nomgwebo yindawo emisiweyo yetrone yakho;+
Ububele bothando nenyaniso ziza phambi kobuso bakho.+
15 Banoyolo abantu abayaziyo imikhwazo yovuyo.+
Bahamba ekukhanyeni kobuso bakho, Yehova.+
16 Egameni lakho bayavuya imini yonke+
Baphakame nangobulungisa bakho.+
17 Kuba ububuhle bamandla abo;+
Nangenkoliseko yakho uphondo lwethu luphakamile.+
18 Kuba ikhaka lethu lelikaYehova,+
Nokumkani wethu ngowaLowo Ungcwele kaSirayeli.+
19 Ngelo xesha wathetha ngombono kwabo banyanisekileyo bakho,+
Wathi:
“Ndibeke uncedo konamandla;+
Ndiphakamise onyuliweyo phakathi kwabantu.+
20 Ndifumene uDavide umkhonzi wam;+
Ndimthambisile ngeoli yam engcwele,+
21 Isandla sam esinaye siya kuqina,+
Nengalo yam iya kumomeleza.+
22 Akukho lutshaba luya kubiza nto kuye,+
Naye nawuphi na unyana wentswela-bulungisa akayi kumxhwalekisa.+
23 Yaye ndazityumza zaziingceba iintshaba zakhe phambi kwakhe,+
Nakwabo bamthiya kakhulu ndathumela izibetho.+
24 Ukuthembeka kwam nobubele bam bothando bukunye naye,+
Kwaye egameni lam luphakamile uphondo lwakhe.+
25 Isandla sakhe ndisibeke elwandle+
Nasemilanjeni isandla sakhe sasekunene.+
26 Yena undibiza ngokuthi, ‘UnguBawo,+
UThixo wam+ neLiwa lokusindiswa kwam.’+
27 Kanjalo, mna ndiya kumbeka abe lizibulo,+
Oyena uphakamileyo kookumkani bomhlaba.+
28 Ndiya kumgcinela ububele bam bothando ukusa kwixesha elingenammiselo,+
Nomnqophiso wam uya kuthembeka kuye.+
29 Ngokuqinisekileyo ndiya kuyimisa imbewu yakhe ngonaphakade+
Netrone yakhe ibe njengemihla yezulu.+
30 Ukuba oonyana bakhe bayawushiya umthetho wam+
Bangahambi ngezigwebo zam,+
31 Ukuba bayayihlambela imimiselo yam
Bangayigcini imiyalelo yam,
32 Ndimele ndiphethulele ingqalelo yam ekunxaxheni kwabo ngentonga+
Nakwisiphoso sabo ngemivumbo.+
33 Kodwa ububele bam bothando andiyi kubuqhawula kuye,+
Ndingayi kuxoka nangokubhekisele ekuthembekeni kwam.+
34 Andiyi kuwuhlambela umnqopiso wam,+
Namazwi emilebe yam andiyi kuwatshintsha.+
35 Ndakuba ndifungile ebungcweleni bam,+
Andiyi kumxokisa uDavide.+
36 Imbewu yakhe iya kubakho de kuse kwixesha elingenammiselo,+
Netrone yakhe ibe njengelanga phambi kwam.+
37 Iya kumiselwa ngokuqinileyo njengenyanga kangangexesha elingenammiselo,
Nanjengengqina elithembekileyo esibhakabhakeni.” Seʹlah.
38 Kodwa wena—wena umlahlile yaye umcekisile;+
Wavutha umsindo wakho kothanjisiweyo wakho.+
39 Uwucekisile umnqophiso womkhonzi wakho;
Usihlambele isithsaba sakhe emhlabeni.+
40 Uzidilizile zonke iintlanti zamatye;+
Uzenze amanxuwa iinqaba zakhe.+
41 Bonke abo badlula ngendlela bamphangile;+
Uye waba lungcikivo kubamelwane bakhe.+
42 Usiphakamisile isandla sasekunene sabo bamchasileyo;+
Uzenze zaba nemihlali zonke iintshaba zakhe.+
43 Ngaphezu koko ikrele lakhe uliphatha njengotshaba,+
Wambangela ukuba angaqhubeli phambili edabini.+
44 Uyiphelisile inkazimlo yakhe,+
Netrone yakhe uyiphose emhlabeni.+
45 Uyifinyezile imihla yobutsha bakhe;
Wamsongela ngehlazo.+ Seʹlah.
46 Kuya kude kube nini na, Yehova, uzifihlile? Lonke ixesha na?+
Uya kuqhubeka uvutha na umsindo wakho kanye njengomlilo?+
47 Khumbula oko bukuko ubude bobomi bam.+
Ubadalele ilize na bonke oonyana babantu?+
48 Yiyiphi na indoda eyomeleleyo ephilayo engayi kubona kufa?+
Ingawusindisa na umphefumlo wayo esandleni seShiyol?+ Seʹlah.
49 Ziphi na izenzo zakho zobubele bothando zangaphambili, Yehova,
Owamfungela zona uDavide ngokuthembeka kwakho?+
50 Khumbula, Yehova, ungcikivo olukubakhonzi bakho,+
Ukuthwala kwam esifubeni sam ungcikivo lwezizwana ezininzi,+
51 Indlela ezingcikive ngayo iintshaba zakho, Yehova,+
Indlela ezingcikive ngayo imikhondo yothanjisiweyo wakho.+
52 Makabongwe uYehova kuse kwixesha elingenammiselo. Amen, Amen.+
