I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 86:1-17

Umthandazo kaDavide. 86  Ndithobele indlebe yakho, Yehova. Ndiphendule,+ Kuba ndixhwalekile kwaye ndilihlwempu.+   Linda umphefumlo wam, ngokuba ndinyanisekile.+ UnguThixo wam—msindise umkhonzi wakho—okholose ngawe.+   Ndibabale, Yehova,+ Kuba ndibiza kuwe imini yonke.+   Wenze ube nemihlali umphefumlo womkhonzi wakho,+ Kuba ndiwuphakamisela kuwe, Yehova, umphefumlo wam.+   Kuba wena, Yehova, ulungile+ yaye ukulungele ukuxolela;+ Buninzi ububele bakho bothando kubo bonke abo babiza kuwe.+   Wuphulaphule, Yehova, umthandazo wam;+ Unikele ingqalelo kwilizwi lezibongozo zam.+   Ngemini yokubandezeleka kwam ndiya kubiza kuwe,+ Kuba uya kundiphendula.+   Akukho unjengawe phakathi koothixo, Yehova,+ Yaye akukho misebenzi injengeyakho.+   Ziya kuza zonke iintlanga ozenzileyo,+ Zize ziqubude phambi kwakho, Yehova,+ Zilizukise negama lakho.+ 10  Kuba umkhulu yaye wenza izinto ezimangalisayo;+ UnguThixo, wena wedwa.+ 11  Ndiyalele, Yehova, ngendlela yakho.+ Ndiya kuhamba enyanisweni yakho.+ Yenze imanyane intliziyo yam ukuba iloyike igama lakho.+ 12  Ndiyakubonga, Yehova Thixo wam, ngayo yonke intliziyo yam,+ Kwaye ndiya kulizukisa igama lakho ukusa kwixesha elingenammiselo, 13  Kuba bukhulu ububele bakho bothando kum,+ Yaye uwuhlangule umphefumlo wam eShiyol, emazantsi ayo.+ 14  Owu Thixo, abakhukhumeleyo bandivukele;+ Nendibano yabo bangoozwilakhe ifuna umphefumlo wam,+ Yaye abakubekanga phambi kwabo.+ 15  Kodwa wena, Yehova, unguThixo onenceba nobabalo,+ Ozeka kade umsindo+ nonobubele bothando obuninzi nenyaniso.+ 16  Buyela kum undibabale.+ Mnike amandla akho umkhonzi wakho,+ Umsindise unyana wekhobokazana lakho.+ 17  Ndenzele umqondiso othetha ukulunga, Ukuze abo bandithiyileyo bawubone babe neentloni.+ Kuba wena, Yehova, undincedile wandithuthuzela.+

Umbhalo osemazantsi