Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

INdumiso 75:1-10

Kumalathisi. “Ungonakalisi.” Uncuthu lwengoma. Eka-Asafu.+ Ingoma. 75  Siyakubulela, Thixo; siyakubulela,+Negama lakho likufuphi.+Abantu bamele bavakalise imisebenzi yakho emangalisayo.+   “Kuba ndathabatha ixesha elibekiweyo;+Ndaqalisa ukugweba ngokuthe tye.+   Umhlaba nabo bonke abemi bawo bayabhangiswa,+Ndim owalungisa iintsika zawo.”+ Seʹlah.   Ndathi kwabazizidenge: “Musani ukuba zizidenge,”+Ndaza ndathi kwabangendawo: “Musani ukuluphakamisa uphondo.+   Musani ukuluphakamisela phezulu uphondo lwenu.Musani ukuthetha ngentamo ekhukhumeleyo.+   Kuba akuveli empuma kungaveli entshona,Kungaveli nasemzantsi ukuphakanyiswa.   Kuba nguThixo umgwebi.+Uyamthoba lo, amphakamise lowa.+   Kuba kukho indebe esandleni sikaYehova,+Yaye iwayini iphuphuma ugwebu, iphithikeziwe.Ngokuqinisekileyo uya kuzichitha iintsipho zayo;Bonke abangendawo bomhlaba baya kuzihluza, bazisele.”+   Kodwa mna ke, ndiya kukuxela kuse kwixesha elingenammiselo;Ndiya kumculela uncuthu lwengoma uTHIXO kaYakobi.+ 10  “Neempondo zonke zabangendawo ndiya kuzaphula.”+Iimpondo zamalungisa ziya kuphakanyiswa.+

Umbhalo osemazantsi