Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

INdumiso 73:1-28

Uncuthu lwengoma ka-Asafu.+ 73  Eneneni uThixo ulungile kuSirayeli, kwabo bantliziyo zihlambulukileyo.+   Ke mna, iinyawo zam beziphantse zathi gu bucala,+Ukunyathela kwam bekuphantse kwenziwa kwatyibilika.+   Kuba ndabamonela abaqhayisi,+Xa ndandibona uxolo lwabantu abangendawo.+   Kuba abananimba ibulalayo;+Nenteshe yabo ityebile.+   Yaye abakho nasezinkathazweni zomntu ofayo,+Ibe abakhathazwa ngokufanayo nabanye abantu.+   Ukuziphakamisa kwabo kusebenze njengentsimbi yomqala kubo;+Ugonyamelo lubagubungela njengesambatho.+   Iliso labo lithe phuhlu ngenxa yokutyeba;+Bayigqithile intelekelelo yentliziyo.+   Bayagxeka baze bathethe okubi;+Ngokuqhatha bathetha ngesimbo esiphakamileyo.+   Umlomo wabo bawubeke emazulwini,+Nolwimi lwabo luhambahamba emhlabeni.+ 10  Ngoko ke abantu bakhe ubabuyisela apha,Namanzi amaninzi ayakhanywa. 11  Yaye bathe: “Waze njani uThixo?+Yaye ngaba unolwazi na Oyena Uphakamileyo?”+ 12  Khangela! Aba ngabangendawo, abahleli ngokukhululeka ngokungenammiselo.+Babandisile ubuncwane babo.+ 13  Ngokuqinisekileyo kulilize ukuyihlambulula kwam intliziyo yam+Nokuhlamba kwam izandla zam ngobumsulwa.+ 14  Ndiye ndakhathazwa imini yonke,+Yaye ndilungiswa intsasa nganye.+ 15  Ukuba bendithe: “Ndiya kuchaza ibali elinjalo,”Khangela! kwisizukulwana soonyana bakhoBendiya kuba ndenze ngobuqhophololo.+ 16  Yaye ndiye ndaqhubeka ndicinga ukuze ndikwazi oku;+Bekuyinkathazo emehlweni am, 17  De ndafikelela kwingcwele ezukileyo kaThixo.+Bendifuna ukuqonda ikamva labo.+ 18  Ngokuqinisekileyo ubabeka emhlabeni omtyibilizi.+Ubenze bawa bonakala.+ 19  Owu hayi indlela abayinto yokukhwankqiswa ngayo njengephanyazo!+Hayi indlela abafikelele esiphelweni sabo ngayo, bafikelele esiphelweni ngento enkwantyisa ngequbuliso! 20  Njengephupha emva kokuvuka, Yehova,+Ngoko xa uzivuselele uya kuwudela umfanekiso wabo.+ 21  Kuba intliziyo yam yenziwa muncu+Ndaza ndahlabeka ezintsweni zam,+ 22  Yaye ndandingaqiqi yaye ndandingenakwazi;+Ndafana nesilo nje kuphela ngokwembono yakho.+ 23  Kodwa ndinawe rhoqo;+Usibambile isandla sam sasekunene.+ 24  Uya kundikhokela ngecebo lakho,+Emva koko uya kundithabatha undinike uzuko.+ 25  Ngubani na endinaye emazulwini?+Ngaphandle kwakho ayikho enye into endiyolisayo emhlabeni.+ 26  Inyama yam nentliziyo yam iphelelwe.+UThixo uliliwa lentliziyo yam nesabelo sam ukusa kwixesha elingenammiselo.+ 27  Kuba, khangela! abo badedela kude nawe baya kutshabalala.+Ngokuqinisekileyo uya kuthulisa bonke abo bakushiya ngokuziphatha okubi.+ 28  Kodwa ke mna, ukusondela kuThixo kulungile kum.+Ndisabela kwiNkosi enguMongami uYehova,+Ukuze ndivakalise yonke imisebenzi yakho.+

Umbhalo osemazantsi