I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 5:1-12

Kumalathisi weNehiloti. Uncuthu lwengoma kaDavide. 5  Wabekele indlebe amazwi am,+ Yehova; Kuqonde ukuncwina kwam.   Nikela ingqalelo kwisandi sokukhalela kwam uncedo,+ Kumkani wam+ noThixo wam, ngenxa yokuba ndithandaza kuwe.+   Owu Yehova, kusasa uya kuliva ilizwi lam;+ Kusasa ndiya kubhekisa kuwe ndize ndilinde.+   Kuba akungoThixo oyoliswayo bubungendawo;+ Akukho namnye onobubi onokuhlala nexeshana nawe.+   Akukho mqhayisi unokuma phambi kwamehlo akho.+ Ubathiyile bonke abo baqhelisela okwenzakalisayo;+   Uya kubatshabalalisa abo bathetha ubuxoki.+ Umntu ophalaza igazi+ nonenkohliso+ uYehova uyamcekisa.   Ke mna, ngobubele bakho obunothando obuninzi+ Ndiya kungena endlwini yakho,+ Ndiya kuqubuda etempileni yakho engcwele ngenxa yokoyika wena.+   Owu Yehova, ndikhokele ngobulungisa bakho+ ngenxa yeentshaba zam;+ Yenze igude indlela yakho phambi kwam.+   Kuba emlonyeni wabo akukho nto kunokukholoswa ngayo;+ Umbilini wabo yinkxwaleko ngokwenene.+ Umqala wabo yindawo yokungcwaba evulekileyo;+ Basebenzisa ulwimi olugudileyo.+ 10  UThixo uya kubagqala njengabanetyala ngokuqinisekileyo;+ Baya kuwa ngenxa yecebo labo.+ Ngobuninzi bokunxaxha kwabo mabasasazwe,+ Ngenxa yokuba bakuvukele.+ 11  Kodwa bonke abo basabela kuwe baya kuba nemihlali;+ Baya kumemelela ngovuyo kuse kwixesha elingenammiselo.+ Uya kuyithintela indlela esondela kubo, Yaye abo bathanda igama lakho baya kugcoba ngawe.+ 12  Kuba uya kumsikelela nabani na olilungisa,+ Yehova; Ngokungathi kungekhaka elikhulu,+ uya kubangqonga ngenkoliseko.+

Umbhalo osemazantsi