I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 42:1-11

Kumalathisi. IMaskili yoonyana bakaKora.+ 42  Njengexhamakazi elilangazelela imisinga yamanzi,Ngoko umphefumlo wam ulangazelela wena, Thixo.+   Eneneni umphefumlo wam unxanelwe uThixo,+ uThixo ophilayo.+ Ndiya kuza nini na ndibonakale phambi koThixo?+   Kum iinyembezi zam zikukutya imini nobusuku,+ Ngoxa besithi kum imini yonke: “Uphi na uThixo wakho?”+   Ezi zinto ndiya kuzikhumbula, yaye ndiya kuwuphalazela kuwe umphefumlo wam.+ Kuba ndandidla ngokudlula nomndilili, Ndandidla ngokuhamba ndicotha phambi kwabo ndisiya endlwini kaThixo,+ Ngelizwi lentswahla yovuyo nombulelo,+ Lesihlwele esibhiyozela umthendeleko.+   Kutheni na uphelelwe lithemba, mphefumlo wam,+ Kutheni na uxokozela ngaphakathi kum?+ Lindela kuThixo,+ Kuba ndisaya kumbonga njengosindiso oluzukileyo lwam siqu.+   Owu Thixo wam, umphefumlo wam uphelelwe lithemba ngaphakathi kum.+ Kungenxa yoko ndikukhumbula,+ Ukusuka kwilizwe laseYordan ukusa kwiincopho zeHermon,+ Ukusuka kwintaba encinane.+   Amanzi anzongonzongo abiza amanzi anzongonzongo Kwakuvakala isandi somtshizo wamanzi akho. Onke amaza akho+ Adlule phezu kwam.+   Emini uYehova uya kuyalela ububele bakhe bothando,+ Kwaye ebusuku ingoma yakhe iya kuba nam;+ Kuya kubakho umthandazo woThixo wobomi bam.+   Ndiya kuthi kuThixo oyingxondorha yam:+ “Undilibaleleni na?+ Kutheni na ndihamba ndibuhlungu ngenxa yengcinezelo yotshaba?”+ 10  Abo babonisa ubutshaba kum bandingcikiva befuna ukubulala amathambo am,+ Ngoxa imini yonke besithi kum: “Uphi na uThixo wakho?”+ 11  Kutheni na uphelelwe lithemba, mphefumlo wam,+ Kutheni na uxokozela ngaphakathi kum?+ Lindela kuThixo,+ Kuba ndisaya kumbonga njengosindiso oluzukileyo lwam siqu nanjengoThixo wam.+

Umbhalo osemazantsi