I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 41:1-13

Kumalathisi. Uncuthu lwengoma kaDavide. 41  Unoyolo nabani na onikela ingqalelo kwisisweli;+ Ngomhla wentlekele uYehova uya kumsindisa.+   UYehova uya kumlinda amgcine ephila.+ Uya kubhengezwa enoyolo emhlabeni;+ Yaye akunakumnikela emphefumlweni weentshaba zakhe.+   UYehova uya kumxhasa emandlalweni wokugula;+ Wonke umandlalo wakhe uya kuwutshintsha ngokuqinisekileyo ebudeni bokugula kwakhe.+   Ke mna, ndathi: “Owu Yehova, ndibabale.+ Wuphilise umphefumlo wam, kuba ndonile kuwe.”+   Ke zona iintshaba zam, zithetha okubi ngam:+ “Uya kufa nini na negama lakhe litshabalale?”   Yaye ukuba ubani uyeza kundibona, intliziyo yakhe iya kuthetha okungeyonyaniso;+ Uya kuzibuthela into eyenzakalisayo; Uya kuphuma; athethe ngayo ngaphandle.+   Bonke abo bandithiyileyo basebezelana ngokumanyeneyo ngam;+ Baqhubeka beceba okubi ngam:+   “Kugalelwa into engancedi nganto phezu kwakhe;+ Ekubeni ngoku elele akayi kusukuma kwakhona.”+   Kwanendoda eseluxolweni nam, ebendikholose ngayo,+ Ebisidla isonka sam,+ indiphakamisele isithende.+ 10  Ke wena, Yehova, ndibabale uze undiphakamise,+ Ukuze ndibabuyisele.+ 11  Ngako oku ndiyazi ukuba uyayoliswa ndim, Ngenxa yokuba utshaba lwam aludumi ngoloyiso phezu kwam.+ 12  Ke mna, undiphakamisile ngenxa yengqibelelo yam,+ Yaye uya kundimisa phambi kobuso bakho kuse kwixesha elingenammiselo.+ 13  Makabongwe uYehova uTHIXO kaSirayeli+ Ukususela kwixesha elingenammiselo ukusa kwixesha elingenammiselo.+ Amen, Amen.+

Umbhalo osemazantsi