I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 37:1-40

EkaDavide. א [ʼA′leph] 37  Musa ukuzibonisa uvutha ngumsindo ngenxa yabenzi bobubi.+ Musa ukubamonela abo benza okungebobulungisa.+   Kuba baya kubuna ngokukhawuleza njengengca,+ Baze njengengca entsha eluhlaza baphelelwe.+ ב [Behth]   Kholosa ngoYehova wenze okulungileyo;+ Hlala emhlabeni, uqhube ngokuthembeka.+   Ziyolise ngokugqibeleleyo ngoYehova,+ Yaye uya kukunika izicelo zentliziyo yakho.+ ג [Gi′mel]   Yiqengqele kuYehova indlela yakho,+ Uze uthembele ngaye,+ kwaye yena uya kwenza.+   Ngokuqinisekileyo uya kubuzisa njengokukhanya ubulungisa bakho,+ Nokusesikweni kwakho njengemini emaqanda.+ ד [Da′leth]   Yithi cwaka phambi koYehova+ Uze ulindele kuye ngolangazelelo.+ Musa ukuvutha ngumsindo nakubani na owenza indlela yakhe iphumelele,+ Kwindoda ephumeza iingcamango zayo.+ ה [Heʼ]   Wuyeke umsindo uyishiye ingqumbo;+ Musa ukuvutha ngumsindo uze wenze ububi.+   Kuba abenzi bobubi baya kunqunyulwa,+ Kodwa abathembela kuYehova baya kuwudla ilifa umhlaba.+ ו [Waw] 10  Kusele ithutyana, angabikho ongendawo;+ Uya kuyikhangela indawo yakhe, abe engekho.+ 11  Kodwa abalulamileyo baya kuwudla ilifa umhlaba,+ Baziyolise ngokugqibeleleyo ngobuninzi boxolo.+ ז [Za′yin] 12  Ongendawo wenzela ilungisa iyelenqe,+ Yaye ulitshixizela amazinyo.+ 13  UYehova uya kumhleka,+ Kuba uyabona ukuba ngokuqinisekileyo imini yakhe iyeza.+ ח [Chehth] 14  Abangendawo balirholile ikrele nesaphetha sabo basigobile,+ Ukuze bawise oxhwalekileyo nalowo ulihlwempu,+ Ukuze babulale ngogonyamelo abo bathe tye endleleni yabo.+ 15  Ikrele labo liya kungena kweyabo intliziyo,+ Nezaphetha zabo ziya kwaphulwa.+ ט [Tehth] 16  Kulunge ngakumbi okuncinane kwelungisa+ Kunentabalala yabaninzi abangendawo.+ 17  Kuba iingalo zabangendawo ziya kwaphulwa,+ Kodwa uYehova uya kubaxhasa abangamalungisa.+ י [Yohdh] 18  UYehova uyayiqonda imihla yabo bangenamposiso,+ Nelifa labo liya kuqhubeka ukusa kwixesha elingenammiselo.+ 19  Abayi kudaniswa ngexesha lentlekele,+ Nangemini yendlala baya kwaneliswa.+ כ [Kaph] 20  Kuba abangendawo baya kutshabalala,+ Yaye iintshaba zikaYehova ziya kuba njengokuxabiseka kwamadlelo; Zimele zifikelele esiphelweni sazo.+ Zimele ziphele njengomsi.+ ל [La′medh] 21  Ongendawo uyaboleka angabuyisi,+ Kodwa olilungisa uyababala aze anikele izipho.+ 22  Kuba abo basikelelwayo nguye baya kuwudla ilifa umhlaba,+ Kodwa abo baqalekisiweyo nguye baya kunqunyulwa.+ מ [Mem] 23  UYehova uwalungisile amanyathelo endoda eyomeleleyo,+ Yaye uyayoliswa yindlela yayo.+ 24  Nangona isenokuwa, ayiyi kuphoswa phantsi,+ Kuba uYehova uyasixhasa isandla sayo.+ נ [Nun] 25  Ndakha ndangumfana, kungokunje ndimdala,+ Kodwa andikaboni nabani na olilungisa eshiywe ngokupheleleyo,+ Nenzala yakhe ifuna isonka.+ 26  Imini yonke uyababala yaye uyabolekisa,+ Ngoko inzala yakhe imele ifumane iintsikelelo.+ ס [Sa′mekh] 27  Suka kokubi wenze okulungileyo,+ Uze uhlale ukusa kwixesha elingenammiselo.+ 28  Kuba uYehova ngumthandi wokusesikweni,+ Yaye akayi kubashiya abanyanisekileyo bakhe.+ ע [ʽA′yin] Ngokuqinisekileyo baya kulindwa ukusa kwixesha elingenammiselo;+ Kodwa yona inzala yabo bangendawo iya kunqunyulwa.+ 29  Amalungisa aya kuwudla ilifa umhlaba,+ Ahlale kuwo ngonaphakade.+ פ [Peʼ] 30  Ngumlomo welungisa othetha ubulumko ngesandi esiphantsi,+ Yaye lulwimi lwakhe oluthetha okusesikweni.+ 31  Umthetho kaThixo wakhe usentliziyweni yakhe;+ Amanyathelo akhe akayi kuhexa.+ צ [Tsa·dheh′] 32  Ongendawo uhlala emlalele olilungisa+ Yaye ufuna ukumbulala.+ 33  Ke yena uYehova, akayi kumshiyela esandleni sakhe,+ Yaye akayi kumvakalisa engongendawo xa egwetywa.+ ק [Qohph] 34  Thembela ngoYehova ugcine indlela yakhe,+ Uya kukuphakamisa uwudle ilifa umhlaba.+ Xa abangendawo benqunyulwa, uya kubona.+ ר [Rehsh] 35  Ndimbonile ongendawo enguzwilakhe+ Exanda njengomthi onabileyo kumhlaba wemvelo.+ 36  Sekunjalo wadlula, akabikho;+ Ndaza ndaqhubeka ndimfuna, akafunyanwa.+ ש [Shin] 37  Mlinde ongenakusoleka uze umkhangele othe tye,+ Kuba ikamva laloo mntu liya kuba leloxolo.+ 38  Kodwa ngokuqinisekileyo abanxaxhayo baya kubhujiswa ndawonye;+ Ikamva labantu abangendawo liya kunqunyulwa.+ ת [Taw] 39  Usindiso lwamalungisa luvela kuYehova;+ Uyinqaba yawo ngexesha lokubandezeleka.+ 40  Yaye uYehova uya kuwanceda awasindise.+ Uya kuwasindisa kubantu abangendawo,+ Kuba asabela kuye.+

Umbhalo osemazantsi