I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 25:1-22

EkaDavide. א [ʼA′leph] 25  Owu Yehova, ndiwuphakamisela kuwe umphefumlo wam.+ ב [Behth]   Owu Thixo wam, ndikholose ngawe;+ Ngamana ndingangadani. Ngamana iintshaba zam azingendivuyeleli.+ ג [Gi′mel]   Akukho namnye kwabo bathembela ngawe oya kudana.+ Baya kudana abo benza ngobuqhophololo ngaphandle kwempumelelo.+ ד [Da′leth]   Ndazise iindlela zakho, Yehova;+ Ndifundise iindlela zakho.+ ה [Heʼ]   Ndihambise enyanisweni yakho undifundise,+ Ngokuba unguThixo ongumsindisi wam.+ ו [Waw] Bendithembele kuwe imini yonke.+ ז [Za′yin]   Owu Yehova yikhumbule inceba yakho+ nobubele bakho bothando,+ Kuba zisukela kwixesha elingenammiselo.+ ח [Chehth]   Ungazikhumbuli izono zobutsha bam nemvukelo yam.+ Ngokobubele bakho obunothando ndikhumbule,+ Ngenxa yokulunga kwakho, Yehova.+ ט [Tehth]   Ulungile yaye uthe tye uYehova.+ Kungenxa yoko eyalela aboni endleleni.+ י [Yohdh]   Uya kubangela abalulamileyo bahambe kwimimiselo yakhe,+ Yaye abalulamileyo uya kubafundisa indlela yakhe.+ כ [Kaph] 10  Zonke iindlela zikaYehova zibububele bothando nenyaniso Ngenxa yabo bagcina umnqophiso wakhe+ nezikhumbuzo zakhe.+ ל [La′medh] 11  Ngenxa yegama lakho, Yehova,+ Umele usixolele kwanesiphoso sam, kuba sikhulu.+ מ [Mem] 12  Ke kaloku, ngubani na umntu owoyika uYehova?+ Womyalela indlela aya kuyinyula.+ נ [Nun] 13  Umphefumlo wakhe uya kuhlala ekulungeni,+ Nenzala yakhe iya kuwudla ilifa umhlaba.+ ס [Sa′mekh] 14  Ukusondelelana noYehova kokwabo bamoyikayo,+ Kwanomnqophiso wakhe, ubabangela bawazi.+ ע [ʽA′yin] 15  Amehlo am ahlala ekhangele kuYehova,+ Kuba nguye okhupha iinyawo zam emnatheni.+ פ [Peʼ] 16  Bubhekise kum ubuso bakho, undibabale;+ Kuba ndindedwa yaye ndixhwalekile.+ צ [Tsa·dheh′] 17  Ukubandezeleka kwentliziyo yam kwandile;+ Kwiingcinezelo eziphezu kwam ndikhuphe.+ ר [Rehsh] 18  Yibone inkxwaleko yam nenkathazo yam,+ Uze uzixolele zonke izono zam.+ 19  Bona ukuba zininzi kangakanani iintshaba zam,+ Yaye zindithiye ngentiyo enogonyamelo.+ ש [Shin] 20  Wulinde umphefumlo wam undihlangule.+ Ngamana ndingangadaniswa, kuba ndisabela kuwe.+ ת [Taw] 21  Ingqibelelo nokutye tye makundilondoloze,+ Kuba ndithembela kuwe.+ 22  Owu Thixo, mkhulule uSirayeli kuko konke ukubandezeleka kwakhe.+

Umbhalo osemazantsi