Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

INdumiso 132:1-18

INgoma yeZinyuko. 132  Mkhumbulele, Yehova, uDavide+Konke ukuthotywa kwakhe;+   Indlela awafunga ngayo kuYehova,+Indlela awabhambathisa ngayo kuLowo unaMandla+ kaYakobi wathi:+   “Andizi kungena ententeni yendlu yam.+Andizi kunyuka ndiye emandlalweni kwindawo yam yokuphumla ezukileyo,+   Andizi kuwanika ubuthongo,+Nokozela amehlo am aqaqambileyo,+   Ndide ndimfumanele indawo uYehova,+Umnquba ozukileyo waLowo unaMandla kaYakobi.”+   Khangela! Sivile ngawo e-Efratha,+Siwufumene emihlabeni yehlathi.+   Masingene emnqubeni wakhe ozukileyo;+Masiqubude esitulweni seenyawo zakhe.+   Khawusukume, Yehova, uye endaweni yakho yokuphumla,+Wena neTyeya+ yamandla akho.+   Ababingeleli bakho mabambeswe ubulungisa,+Nabanyanisekileyo bakho mabamemelele ngovuyo.+ 10  Ngenxa kaDavide umkhonzi wakho,+Musa ukubujika ubuso bothanjisiweyo wakho.+ 11  UYehova ufungile kuDavide,+Enyanisweni akayi kuhlehla kuko oko:+“Owesiqhamo sesisu sakho+Ndiya kumbeka etroneni yakho.+ 12  Ukuba oonyana bakho baya kuwugcina umnqophiso wam+Nezikhumbuzo zam endiya kubafundisa zona,+Kwanoonyana babo ngonaphakade+Baya kuhlala etroneni yakho.”+ 13  Kuba uYehova unyule iZiyon;+Uyilangazelele ukuba ibe yindawo yakhe yokuhlala:+ 14  “Yiyo le indawo yam yokuphumla ngonaphakade;+Ndiya kuhlala apha, kuba ndiyilangazelele.+ 15  Isixhaso sayo ndiya kusisikelela nakanjani na.+Amahlwempu ayo ndiya kuwanelisa ngesonka.+ 16  Nababingeleli bayo ndiya kubambesa ngosindiso;+Nabanyanisekileyo bayo nakanjani na baya kumemelela ngovuyo. 17  Ndiya kulukhulisa apho uphondo lukaDavide.+Lowo uthanjisiweyo wam ndimmisele ngolungelelwano isibane.+ 18  Iintshaba zakhe ndiya kuzambesa ngehlazo;+Kodwa kuye isithsaba+ sakhe siya kuchuma.”+

Umbhalo osemazantsi