Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

INdumiso 104:1-35

104  Mbonge uYehova, mphefumlo wam.+ Owu Yehova Thixo wam, ungqineke umkhulu kakhulu.+ Wambethe isidima nobungangamsha,+   Ozisongela ngokukhanya ngokungathi sisambatho,+ Owolula amazulu njengelaphu lentente,+   Lowo wakha amagumbi akhe aphezulu ngemiqadi emanzini,+ Owenza amafu abe yinqwelo yakhe,+ Ohamba ngamaphiko omoya,+   Owenza iingelosi zakhe zibe ngoomoya,+ Abalungiseleli bakhe babe ngumlilo oqwengayo.+   Useke umhlaba phezu kweendawo omiswe kuzo;+ Awuyi kushukunyiswa ukusa kwixesha elingenammiselo, okanye nangonaphakade.+   Uwugubungele ngamanzi anzongonzongo kanye njengesambatho.+ Amanzi ayeme phezu kweentaba.+   Asaba ngokukhalinyelwa nguwe;+ Ngesandi sendudumo yakho abaleka ngokuphakuzela—   Iintaba zenyuka,+ Amathafa asentlanjeni ehla— Aya kuloo ndawo uwasekele yona.   Wamisa umda, afanele angawudluli,+ Ukuze angawugubungeli kwakhona umhlaba.+ 10  Uthumela imithombo ezintlanjeni;+ Iqhubeka ihamba phakathi kweentaba. 11  Ngokuqhubekayo iseza onke amarhamncwa asendle;+ Amaqwarhashe+ aqabula unxano lwawo rhoqo. 12  Kuhlala phezu kwayo izidalwa eziphaphazelayo zamazulu;+ Ziqhubeka zivakalisa isandi sazo phakathi kwamahlamvu ashinyeneyo.+ 13  Unkcenkceshela iintaba emagumbini akhe aphezulu.+ Umhlaba waneliswa sisiqhamo semisebenzi yakho.+ 14  Uhlumisela izilo ingca eluhlaza,+ Notyani ukuze kuncedwe uluntu,+ Ukuba kuphume ukutya emhlabeni,+ 15  Newayini eyenza intliziyo yomntu ofayo ibe nemihlali,+ Ukukhazimlisa ubuso ngeoli,+ Nesonka sokuxhasa intliziyo yomntu ofayo.+ 16  Imithi kaYehova iyanela, Imisedare yaseLebhanon ayityalileyo,+ 17  Apho iintaka zizenzela khona iindlwane.+ Yona ke ingwamza, indlu yayo isemithini yejunipha.+ 18  Iintaba eziphakamileyo+ zezeebhokhwe zasezintabeni;+ Iingxondorha yindawo yokusabela iimbila.+ 19  Inyanga uyenzele amaxesha amisiweyo;+ Ilanga liyazazi apho litshona khona.+ 20  Ubangela ubumnyama, ukuze kube sebusuku;+ Zihambahambe ngabo zonke izilwanyana zasendle. 21  Iingonyama ezintsha ezinezingci zigqumela ixhoba+ Nokufuna ukutya kwazo kuThixo.+ 22  Ilanga liyakhanya+—zimke Zize zibuthume kwiindawo zazo zokuzimela. 23  Umntu uyaphuma aye emsebenzini wakhe+ Nasenkonzweni yakhe kude kuhlwe.+ 24  Hayi indlela emininzi ngayo imisebenzi yakho, Yehova!+ Yonke uyenze ngobulumko.+ Uzele umhlaba yimveliso yakho.+ 25  Lona ke olu lwandle lukhulu yaye lubanzi,+ Apho kukho izinto ezinambuzelayo ezingenakubalwa,+ Izidalwa eziphilayo, ezincinane kwakunye nezikhulu.+ 26  Zihamba apho iinqanawa;+ Yona ke iLeviyatan,+ yona uyiyilile ukuba idlale kulo.+ 27  Zonke ezi—zihlala zilindele kuwe+ Ukuba uzinike ukutya kwazo ngexesha lako.+ 28  Zithabatha oko uzinika kona.+ Uyasivula isandla sakho—zaneliswe zizinto ezilungileyo.+ 29  Ukuba uyabufihla ubuso bakho, ziyaphazamiseka.+ Ukuba uyawususa umoya wazo, ziyabhubha,+ Zibuyele eluthulini lwazo.+ 30  Ukuba uthumela umoya wakho, ziyadalwa;+ Ubenze butsha ubuso bomhlaba. 31  Uzuko lukaYehova luya kubakho ukusa kwixesha elingenammiselo.+ UYehova uya kuba nemihlali ngemisebenzi yakhe.+ 32  Ukhangela umhlaba, uze wona ungcangcazele;+ Uchukumisa iintaba, zize zona ziqhume.+ 33  Ndiza kumvumela uYehova ubomi bam bonke;+ Ndiza kumculela uncuthu lwengoma uThixo wam logama nje ndisekho.+ 34  Ukucamngca kwam ngaye makuyolise.+ Mna ke ndiya kuba nemihlali ngoYehova.+ 35  Aboni baya kupheliswa emhlabeni;+ Nabo ke bangendawo, abayi kuba sabakho.+ Mbonge uYehova, mphefumlo wam. Dumisani uYa!+

Umbhalo osemazantsi