I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

INdumiso 103:1-22

EkaDavide. 103  Mbonge uYehova, mphefumlo wam,+ Nayo yonk’ into engaphakathi kwam, igama lakhe elingcwele.+   Mbonge uYehova, mphefumlo wam, Ungakulibali ukwenza kwakhe konke,+   Yena oxolela sonke isiphoso sakho,+ Ophilisa zonke izifo zakho,+   Ohlangula ubomi bakho emhadini,+ Okuthwesa ububele bothando neenceba,+   Owanelisa ixesha lakho lokudla ubomi ngokulungileyo;+ Ubutsha bakho bumana buzihlaziya kanye njengobo bokhozi.+   UYehova uphumeza izenzo zobulungisa+ Nezigwebo ngenxa yabo bonke abo baqhathwayo.+   Wazazisa iindlela zakhe kuMoses,+ Izenzo zakhe koonyana bakaSirayeli.+   UYehova unenceba nobabalo,+ Uzeka kade umsindo yaye unobubele bothando obuninzi.+   Akayi kuqhubeka ehlab’ amadlala ngalo lonke ixesha,+ Engayi kuhlala ecaphukile ukusa kwixesha elingenammiselo.+ 10  Akenzanga kuthi kanye ngokwezono zethu;+ Engasiziseli noko kusifaneleyo ngokweziphoso zethu.+ 11  Kuba njengoko amazulu ephakamile kunomhlaba,+ Ububele bakhe bothando bongamile kwabo bamoyikayo.+ 12  Njengokuba kude kwempumalanga entshonalanga,+ Kunjalo ukukukhwelelisa kwakhe kude nathi ukunxaxha kwethu.+ 13  Njengoyise obenzela inceba oonyana bakhe,+ UYehova ubenzele inceba abo bamoyikayo.+ 14  Kuba yena uyakwazi ukuyilwa kwethu,+ Ekhumbula ukuba siluthuli.+ 15  Yena ke umntu ofayo, imihla yakhe injengaleyo yengca eluhlaza;+ Indlela atyatyamba ngayo injengeyentyatyambo yasendle.+ 16  Kuba kudlula umoya nje phezu kwayo, ize ingabi sabakho;+ Nendawo yayo ingabi sayiqonda ngokubhekele phaya.+ 17  Kodwa ububele bothando bukaYehova bususela kwixesha elingenammiselo bude buse kwixesha elingenammiselo+ Kwabo bamoyikayo,+ Nobulungisa bakhe koonyana boonyana,+ 18  Kwabo bagcina umnqophiso wakhe+ Nakwabo bayikhumbulayo imiyalelo yakhe khon’ ukuze bayenze.+ 19  UYehova uyimise ngokuqinileyo itrone yakhe emazulwini;+ Ubukumkani bakhe bulawula phezu kwayo yonk’ into.+ 20  Mbongeni uYehova, nina zingelosi zakhe,+ zomeleleyo ngamandla, zenza ilizwi lakhe,+ Ngokuphulaphula isandi selizwi lakhe.+ 21  Mbongeni uYehova, nonke nina mikhosi yakhe,+ Niba balungiseleli bakhe, abenza ukuthanda kwakhe.+ 22  Mbongeni uYehova, nonke nina misebenzi yakhe,+ Kuzo zonke iindawo zolawulo lwakhe.+ Mbonge uYehova, mphefumlo wam.+

Umbhalo osemazantsi