I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Estere 8:1-17

8  Ngaloo mini uKumkani uAhaswerosi wanika ukumkanikazi uEstere indlu kaHaman,+ lowo ubonakalisa ubutshaba kumaYuda;+ waza uMordekayi wafika phambi kukakumkani, ngenxa yokuba uEstere wayemxelele ukuba uyintoni kuye.+  Wandula ke ukumkani wawushenxisa umsesane wakhe wokutywina+ awayewuthabathe kuHaman, wawunika uMordekayi; waza uEstere waya kumbeka uMordekayi endlwini kaHaman.+  Ngaphezu koko, uEstere wathetha kwakhona phambi kukakumkani waza wawa phambi kweenyawo zakhe walila, wacela+ ubabalo kuye ukuba abususe ububi+ bukaHaman umAgagi necebo lakhe+ awayelenzile nxamnye namaYuda.+  Wandula ke ukumkani wamolulela uEstere intonga yobukhosi yegolide,+ wasukuma uEstere wema phambi kukakumkani.  Ke kaloku wathi: “Ukuba kubonakala kulungile kukumkani, yaye ukuba ndifumene ubabalo+ phambi kwakhe kwaye le nto ifanelekile phambi kukakumkani kwaye ndilungile emehlweni akhe, makubhalwe kurhoxiswe amaxwebhu abhaliweyo,+ icebo likaHaman unyana kaHamedata umAgagi,+ lawo wawabhalayo ukuba kutshatyalaliswe amaYuda+ akuwo onke amaphondo kakumkani.+  Kuba ndiya kukunyamezela njani na ukuba ndikhangele intlekele eza kufikela abantu bakowethu, yaye ndiya kukunyamezela njani na ukuba ndikhangele ukutshatyalaliswa kwezalamane zam?”  Ngoko uKumkani uAhaswerosi wathi kukumkanikazi uEstere nakuMordekayi umYuda: “Khangela! Indlu kaHaman ndiyinike uEstere,+ kwaye yena bamxhomile esibondeni,+ ngenxa yokuba eye wasolula isandla sakhe nxamnye namaYuda.  Yaye nina bhalani ngokwenu egameni lamaYuda okulungileyo emehlweni enu ngegama likakumkani+ nize niyitywine ngomsesane wokutywina kakumkani; kuba umbhalo obhalwe ngegama likakumkani waza watywinwa ngomsesane wokutywina kakumkani akunakwenzeka ukuba urhoxiswe.”+  Ngako oko oonobhala+ bakakumkani babizwa ngelo xesha ngenyanga yesithathu, oko kukuthi, inyanga kaSivan, ngomhla wamashumi amabini anesithathu kuyo; kwaye umbhalo wahamba ngokuvisisana nako konke oko uMordekayi wayekuyalele amaYuda namabamba+ neerhuluneli neenkosana zamaphondo ukusuka eIndiya ukuya eTiyopiya, amaphondo alikhulu elinamashumi amabini anesixhenxe,+ kwiphondo ngalinye ngesimbo salo sokubhala+ nakwisizwana ngasinye ngolwimi lwaso,+ nakumaYuda ngesimbo sawo sokubhala nangolwimi lwawo.+ 10  Wabhala ngegama likaKumkani+ uAhaswerosi waza watywina+ ngomsesane wokutywina+ kakumkani yaye amaxwebhu abhaliweyo wawathumela ngesandla sabathwali besigidimi bekhwele emahasheni,+ amahashe athwala isigidimi asetyenziswa kwinkonzo yasebukhosini, amankonyana eemazi zamahashe ezinamendu, 11  lawo ukumkani wayewanike amaYuda awayekwizixeko ezahlukahlukeneyo ukuba azihlanganise+ amele imiphefumlo yawo, ukuze abhubhise, abulale wonke umkhosi wabantu+ namaphondo awayebonakalisa ubutshaba kuwo, abantwana nabafazi, nokuze aphange amaxhoba abo,+ 12  ngosuku+ olunye kuwo onke amaphondo kaKumkani uAhaswerosi, ngosuku lweshumi elinesithathu+ ngenyanga yeshumi elinesibini, oko kukuthi, inyanga enguAdare.+ 13  Umbhalo+ okhutshelweyo wawuza kusiwa kuwo onke amaphondo ahlukahlukeneyo njengomthetho, uvakaliswe kuzo zonke izizwana, ukuze amaYuda alungele lo mhla ukuba aziphindezelele+ kwiintshaba zawo. 14  Bona abathwali besigidimi,+ bekhwele kumahashe okuthwala izigidimi awayesetyenziselwa inkonzo yasebukhosini, baphuma bekhawulezile+ ngokuqhutywa lilizwi likakumkani; yaye umthetho ngokwawo wawiswa kwinqaba iShushan.+ 15  Ke yena uMordekayi, wemka phambi kukakumkani ekwisivatho sasebukhosini+ esiluhlaza neselinen, nesithsaba esikhulu segolide, nengubo yokwaleka yelaphu elicikizekileyo,+ neyoboya obudaywe bamfusa bubomvu.+ Yaye isixeko saseShushan sadanduluka kabukhali kwaye sasinovuyo.+ 16  Kwabakho ukukhanya nemihlali nokugcoba+ nembeko kumaYuda. 17  Yaye kuwo onke amaphondo ahlukahlukeneyo nakuzo zonke izixeko ezahlukahlukeneyo naphi na apho ilizwi likakumkani nomthetho wakhe wawufikelela khona yayiyimihlali nemigcobo kumaYuda, isidlo+ nomhla olungileyo; yaye abaninzi kwizizwana+ zelizwe babezivakalisa njengamaYuda,+ kuba babefikelwe kukunkwantya+ ngenxa yamaYuda.

Umbhalo osemazantsi