I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Estere 7:1-10

7  Ngoko ukumkani noHaman+ bangena ukuze badle noEstere ukumkanikazi.  Ke kaloku ebudeni besidlo sewayini+ ngosuku lwesibini kwakhona ukumkani wathi kuEstere: “Siyintoni na isibongozo sakho,+ Estere kumkanikazi? Wosinikwa.+ Yaye siyintoni na isicelo sakho? Kuse kwisiqingatha sobukumkani+—wosenzelwa!”  Waphendula ukumkanikazi uEstere wathi: “Ukuba ndikholekile emehlweni akho, kumkani, yaye ukuba kubonakala kulungile kukumkani, mandinikwe umphefumlo wam+ ngesibongozo sam nabantu bakowethu+ ngesicelo sam.  Kuba sithengisiwe,+ mna nabantu bakowethu, ukuba sibhujiswe, sibulawe size sitshatyalaliswe.+ Ke kaloku ukuba besithengiselwe ukuba sibe ngamakhoboka+ nezicakakazi kuphela, ngendiye ndathi cwaka. Kodwa oku kubandezeleka akufanelekanga xa kuza kuba ngumonakalo kukumkani.”  Ke kaloku uKumkani uAhaswerosi wathi, ewe, wahlabela mgama wathi kuEstere ukumkanikazi: “Ngubani lo,+ yaye uphi na lowo oye wazikhaliphisa+ ukuba enjenjalo?”  Wandula ke uEstere wathi: “Indoda elutshaba,+ ngulo Haman mbi.” Ke yena uHaman, wankwantya+ ngenxa kakumkani nokumkanikazi.  Ke yena ukumkani, waphakama kwisidlo sewayini enomsindo+ waya emyezweni wasebhotwe; yaye uHaman wema ngeenyawo ukuba awucelele umphefumlo wakhe kuEstere ukumkanikazi,+ kuba wabona ukuba umiselwe+ ububi ngukumkani.+  Wabuya nokumkani emyezweni wasebhotwe waya endlwini yesidlo sewayini;+ yaye uHaman wayewele kwisingqengqelo+ awayekuso uEstere. Ngenxa yoko ukumkani wathi: “Kuza kudlwengulwa nokumkanikazi na, ndikhona endlwini?” Lathi lakuphuma elo lizwi emlonyeni kakumkani,+ babugqubuthela ubuso bukaHaman.  UHarbhona,+ omnye wamagosa enkundla+ kakumkani, wathi: “Kukho isibonda+ uHaman asenzele uMordekayi, lowo wathetha okulungileyo ngokumkani,+ simi endlwini kaHaman—singamashumi amahlanu eekubhite ukuphakama.” Wathi ukumkani: “Madoda, mxhomeni kuso.”+ 10  Yaye amxhoma uHaman kwisibonda+ awayesilungiselele uMordekayi;+ waza wadamba umsindo kakumkani.

Umbhalo osemazantsi