Yiya kwinkcazelo

Yiya kwelilandelayo

Yiya kwiziqulatho

AmaNgqina KaYehova

IsiXhosa

IBhayibhile Kwi-Intanethi | INGUQULELO YEHLABATHI ELITSHA YEZIBHALO EZINGCWELE

Duteronomi 33:1-29

33  Yiyo le intsikelelo awabasikelela+ ngayo uMoses, umntu kaTHIXO oyinyaniso,+ oonyana bakaSirayeli phambi kokufa kwakhe.  Wathi: “UYehova—wavela eSinayi,+Wakhazimla kwaSehire phezu kwabo.+Waqaqamba ekummandla weentaba wakwaParan,+Waye enamashumi amawaka angcwele,+Ekunene kwakhe ingamadoda akhe okulwa.+   Ke bona abantu bakhe wayebanonophela;+Bonke abangcwele babo basesandleni sakho.+Bahlala ezinyaweni zakho;+Baqala ukwamkela amanye amazwi akho.+   (UMoses wabeka umthetho phezu kwethu njengomyalelo,+Ilifa ke elo lebandla lakwaYakobi.)+   Yena waba ngukumkani kaYeshurun,+Zakuba zihlanganisene iintloko zabantu,+Inani lezizwe zakwaSirayeli liphela.+   URubhen makaphile angafi,+Bangabi mbalwa abantu bakhe.”+  Nantsi yona ekaYuda intsikelelo,+ njengoko waqhubeka esithi: “Live, Yehova, izwi likaYuda,+Umngenise kubantu bakowabo.Ukulwele yena ngezandla zakhe oko kukokwakhe;Kwanga ungamnceda ezintshabeni zakhe.”+  NgoLevi wathi:+ “IiTumim zakho neeUrim zakho+ zezomntu onyanisekileyo kuwe,+Owamvavanyayo eMasa.+Wasukuzana naye emanzini aseMeribha,+   Umntu owathi kuyise nakunina, ‘Andimbonanga.’Kwanabantakwabo akabaqondanga,+Akabazanga noonyana bakhe.Ngokuba babegcine amazwi akho,+Baqhubeka bewugcinile umnqophiso wakho.+ 10  Mabamyalele uYakobi ngemimiselo yakho+NoSirayeli ngomthetho wakho.+Mababeke isiqhumiso emathatheni akho+Nomnikelo opheleleyo esibingelelweni sakho.+ 11  Sikelela, Yehova, amandla akhe,+Ukholeke kuwe umsebenzi wezandla zakhe.+Bangxwelerhe ngokuqatha emanqeni abo abavukelana naye,+Nabo bamthiye kakhulu, ukuze bangabi nakuvuka.”+ 12  NgoBhenjamin wathi:+ “Intanda+ kaYehova mayihlale kuye inqabisekile,+Ayikhusele imini yonke,+Ihlale phakathi kwamagxa akhe.”+ 13  NgoYosefu wathi:+ “Wanga uYehova angalisikelela rhoqo ilizwe lakhe+Ngezinto ezintle zasezulwini, ngombethe,+Nangamanzi anzongonzongo angaphantsi,+ 14  Nangezinto ezintle, eziveliswa lilanga,+Nangezinto ezintle, eziyimveliso yanyanga zonke,+ 15  Nangezona zibalaseleyo kwiintaba zasempuma,+Nangezinto ezintle zeenduli ezihlala ngokungenammiselo, 16  Nangezinto ezintle zomhlaba nemveliso yawo epheleleyo,+Nangenkoliseko yaLowo wahlala etyholweni elinameva.+ Ngamana zingafika entlokweni kaYosefu+Naselukakayini lwentloko yalowo ukhethiweyo kubazalwana bakhe.+ 17  Njengenkunzi yenkomo yamazibulo bunjalo ubungangamsha bakhe,+Ziimpondo zenqu iimpondo zakhe.+Ngazo uya kutyhala izizwana zonke+Ziye esiphelweni somhlaba,Ngamashumi amawaka akwaEfrayim ke lawo,+Ngamawaka akwaManase ke lawo.” 18  NgoZebhulon wathi:+ “Yiba nemihlali, Zebhulon, ekuphumeni kwakho,+Nawe, Isakare, ezintenteni zakho.+ 19  Baya kuzibizela entabeni izizwana.Babingelele khona imibingelelo yobulungisa.+Ngokuba besanya intabalala yobutyebi beelwandle+Nengqwebo efihlakeleyo entlabathini.” 20  NgoGadi wathi:+ “Makabongwe owandisa imida kaGadi.+Ubuthuma njengengonyama,+Adlavule ingalo, ewe, nokakayi lwentloko.+ 21  Uya kuzikhethela inxalenye yokuqala,+Ngokuba ubekelwe khona apho isabelo sommisi-mthetho.+Iintloko zabantu ziya kuhlanganisana ndawonye.Ngokuqinisekileyo uya kwenza ubulungisa bukaYehovaNemimiselo yakhe ndawonye noSirayeli.” 22  NgoDan wathi:+“UDan lithole lengonyama.+Uya kuxhuma ephuma eBhashan.”+ 23  NgoNafetali wathi:+ “UNafetali ukholeke ngokwaneleyoKwaye uzele yintsikelelo kaYehova.Lidle ilifa elasentshona nelasemzantsi.”+ 24  NgoAshere wathi:+ “Usikelelwe ngoonyana uAshere.+Makakholeke kubazalwana bakhe,+Aluthi nkxu unyawo lwakhe eolini.+ 25  Izitshixo zamasango akho mazibe yintsimbi nobhedu,+Kube ngangeemini zakho ukuphumla kwakho. 26  Akukho unjengoTHIXO oyinyaniso+ kaYeshurun,+Okhwela izulu ukuze akuncede+Akhwele nasemafini esibhakabhaka enobuhandiba bakhe.+ 27  Uyindawo yokuzimela uThixo wamandulo,+Ngaphantsi ziingalo zexesha elingenammiselo.+Uya kulugxotha utshaba phambi kwakho,+Aze athi, ‘Babhubhise!’+ 28  USirayeli uya kuhlala enqabisekile,+Umthombo kaYakobi ngokwawo,+Ezweni lokudla okuziinkozo newayini entsha.+Ewe, amazulu akhe aya kuthontsiza umbethe.+ 29  Unoyolo, Sirayeli!+ Ngubani na onjengawe,+Sizwana esisindiswe nguYehova,+Olikhakha loncedo lwakho,+Nekrele lobuhandiba bakho?+Ziya kukhokhoba phambi kwakho iintshaba zakho,+Unyathele ke wena kwiindawo zazo eziphakamileyo.”+

Umbhalo osemazantsi