I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

IBhayibhile Kwi-Intanethi

INGUQULELO YEHLABATHI ELITSHA YEZIBHALO EZINGCWELE

Amosi 7:1-17

7  Yenjenje ukundibonisa iNkosi enguMongami uYehova, yaye, khangela! yayila ibubu leenkumbi ekuqaleni kokuphuma koko kwakuhlwayelwe kamva.+ Kwaye, khangela! yayikoko kwakuhlwayelwe kamva emva kokuchetywa kwengca kakumkani.  Kwathi lakuba libudle labugqiba utyani bomhlaba, ndathi: “Owu Nkosi enguMongami Yehova, khawuncede uxolele.+ Ngubani na oya kuphakama kwaYakobi? Kuba mncinane!”+  UYehova wazisola ngenxa yoku.+ “Akuyi kwenzeka oko,” watsho uYehova.  Yenjenje ukundibonisa iNkosi enguMongami uYehova, yaye, khangela! iNkosi enguMongami uYehova yenza usukuzwano ngokusebenzisa umlilo;+ kwaye wawadla wawagqiba amanzi anzongonzongo, wasidla wasigqiba isiqwenga somhlaba.  Ndathi: “Owu Nkosi enguMongami Yehova, khawuncede uyeke.+ Ngubani na oya kuphakama kwaYakobi? Kuba mncinane!”+  UYehova wazisola ngenxa yoku.+ “Nako oko akuyi kwenzeka,” yatsho iNkosi enguMongami uYehova.  Wenjenje ukundibonisa, yaye, khangela! uYehova wayemi eludongeni olwenziwe ngelothe yokulinganisa,+ kwaye wayenelothe yokulinganisa esandleni sakhe.  Wandula ke wathi uYehova kum: “Ubona ntoni na, Amosi?” Ndathi: “Ilothe yokulinganisa.” Wahlabela mgama uYehova wathi: “Yabona, ndibeka ilothe yokulinganisa phakathi kwabantu bam amaSirayeli.+ Andisayi kuba saxolela ngokubhekele phaya.+  Neendawo eziphakamileyo zikaIsake+ ngokuqinisekileyo ziya kuba zeziphanzileyo, neengcwele+ zikaSirayeli ziya kuphanziswa;+ ndiza kuyivukela indlu kaYerobhoham ngekrele.”+ 10  UAmatsiya umbingeleli waseBheteli+ wathumela kuYerobhoham+ ukumkani wakwaSirayeli, esithi: “UAmosi ukwenzele iyelenqe kanye ngaphakathi endlwini kaSirayeli.+ Ilizwe alikwazi kuwanyamezela onke la mazwi akhe.+ 11  Kuba utsho uAmosi ukuthi, ‘UYerobhoham uya kufa likrele; yena ke uSirayeli, nakanjani na uya kuya ekuthinjweni emke emhlabeni wakhe.’”+ 12  UAmatsiya wathi kuAmosi: “Wena mboni,+ hamba, baleka uye kwilizwe lakwaYuda, udle isonka apho, uprofete khona. 13  Kodwa eBheteli ungabi saprofeta ngokubhekele phaya,+ kuba yingcwele kakumkani leyo+ kwaye yindlu yobukumkani.” 14  Wandula ke waphendula uAmosi wathi kuAmatsiya: “Ndandingengomprofeti, ndingenguye nonyana womprofeti;+ kodwa ndandingumalusi+ nomtheni wamakhiwane emithi yesikamore. 15  UYehova wandithabatha ndilandela umhlambi, yaye uYehova wahlabela mgama wathi kum, ‘Yiya, uprofete kubantu bam amaSirayeli.’+ 16  Ke kaloku live ilizwi likaYehova, ‘Utsho na wena ukuthi: “Uze ungaprofeti ngokunxamnye noSirayeli,+ yaye uze ungaphosi+ nezwi ngokunxamnye nendlu kaIsake”? 17  Ngoko ke utsho uYehova ukuthi: “Yena ke umfazi wakho, uya kuba ngunongogo esixekweni.+ Ke bona oonyana bakho neentombi zakho, baya kuwa likrele. Ke wona umhlaba wakho, uya kwahlulwa ngentsontelo yokulinganisa. Wena ke, uya kufela emhlabeni ongahlambulukanga;+ ke yena uSirayeli, nakanjani na uya kuya ekuthinjweni emke emhlabeni wakhe.”’”+

Umbhalo osemazantsi