I-Accessibility setting

Khetha ulwimi

Yiya kwelilandelayo

Yiya kwiziqulatho

Yiya kwinkcazelo

AmaNgqina KaYehova

IsiXhosa

UBOMI BAMAKRISTU NOMSEBENZI WOKUSHUMAYELA–INCWADI YENTLANGANISO FEBRUWARI 2017

 INDLELA YOKUPHILA YAMAKRISTU

Luhambise Kakuhle Uncwadi LweBhayibhile

Luhambise Kakuhle Uncwadi LweBhayibhile

UYesu wafundisa ukuba: “Namkele ngesisa, yiphani ngesisa.” (Mat 10:8) Siyawathobela la mazwi ngokungabahlawulisi abantu ngeeBhayibhile okanye uncwadi olusekelwe eBhayibhileni esibanika lona. (2Ko 2:17) Sekunjalo, olu ncwadi lunenyaniso exabisekileyo esuka kwiLizwi likaThixo. Kufuna umgudu ibe kuziindleko ukuluprinta nokuluthumela emabandleni asehlabathini lonke olu ncwadi. Ngenxa yoko, sifanele sithathe kuphela olo siza kulusebenzisa.

Sebenzisa ingqiqo xa unika abantu uncwadi kwanaxa ushumayela esidlangalaleni. (Mat 7:6) Kunokuba unike nje kwamntu udlulayo, zama ukuncokola ukuze ubone enoba unomdla na. Ngaba unokuphendula ngoewe okungenani kumbuzo omnye okwibhokisi ehamba neli nqaku? Ukuba awukwazi ukumbona umntu unomdla, kungcono umnike iphecana. Kakade ke, ukuba umntu ucela imagazini okanye naluphi na olunye uncwadi, siyamnika.—IMi 3:27, 28.